रानी पोखरीको भव्य उद्घाटनको परिकल्पना चित्रण

“यो चित्रकलाले राजा प्रताप मल्लद्वारा निर्माण गरिएका काठमाडौंका वास्तुकलाका धेरै उत्कृष्ट नमुनाहरूमध्ये एक रानी पोखरीको भव्य उद्घाटन सम्बन्धी कलाकारको कल्पनालाई चित्रण गरेको छ।वरिष्ठ चित्रकार हरिप्रसाद शर्माको परिकल्पना रानीपोखरीको उद्घाटन चित्र वरिष्ठ चित्रकार हरिप्रसाद शर्माको परिकल्पना रानीपोखरीको चित्र मध्य एक हो
चित्रमा, प्रताप मल्ल एक सजिएको छातामुनि उभिएर ललितपुर र भक्तपुरका राजाहरूसहित विभिन्न राजपरिवारका सदस्यहरूसँग रानी पोखरीको विषयमा कुरा गरिरहेका छन्। ऐतिहासिक लोककथा अनुसार, पाँच वर्ष लगाएर निर्माण गरिएको यस कृत्रिम पोखरीमा एकाउन्न धार्मिक जलस्रोतहरूको पवित्र जल खन्याइएको थियो। कलाकारले रानीहरू र राजकुमारीहरूलाई गाग्रीबाट पोखरीमा पानी खन्याइरहेको देखाएका छन्। पोखरीको दक्षिणी किनारमा राजा र उनका छोराहरूको हात्तीमाथि सवार पूर्णकदको मूर्ति पनि देख्न सकिन्छ।
प्रताप मल्लले पोखरीको मध्यभागमा बालगोपालेश्वरको शिव मन्दिर निर्माण गराएका थिए। शिखर शैलीमा बनेको यो मन्दिरको डिजाइन स्वयम्भू स्तूप नजिक रहेका प्रतापपुर र अनन्तपुर मन्दिर सँग मिल्दोजुल्दो छ। मन्दिरको वास्तुकला सम्बन्धी सन्दर्भ केही शताब्दीअघि नेपाल भ्रमणमा आएका प्रसियाका राजकुमार वाल्डेमार (Prince Waldemar) सँगै आएका एक विदेशी कलाकारको चित्रकलाबाट लिइएको थियो।
कलाकारले समारोहको जीवन्ततालाई विभिन्न रंगीन पोशाकमा सजिएका दर्शकहरू, परम्परागत साङ्गीतिक प्रस्तुतिहरू, र ‘टैँनै’ को तालमा कुशल हातहरूद्वारा बजाइँदै गरेका ध्वाँग्या पोलहरू (Dhunjya poles) देखाएर पुनः सिर्जना गरेका छन्। हलुका हावाको स्पर्शमा पोखरीको नीलो पानीमा सेतो मन्दिरको प्रतिबिम्ब देखिँदा, पानीको सतहमा उत्पन्न भएका तरंगहरूले एक मनमोहक दृश्य सिर्जना गरेका छन्। बायाँ किनारमा राजपरिवारका पाहुनाहरूको भिडलाई सूक्ष्म ढंगले चित्रण गरिएको दृश्यले कलाकारको विस्तृत विवरणप्रतिको लगाव लाई पुष्टि गर्दछ।
पृष्ठभूमिमा उपत्यकालाई घेरेका नागार्जुन, स्वयम्भू, दहचोक, चन्द्रागिरी र कीर्तिपुरका डाँडाहरू देखिन्छन् भने, टाढा बायाँतर्फ तलेजु भवानी मन्दिर र राजदरबार पनि देखाइएको छ। कलाकारले त्यस समयको स्वच्छ, प्रदूषणरहित वातावरणको झझल्को दिने गरी हरियाली वनजङ्गल, पहाड र फराकिला खेतहरू पनि चित्रण गरेका छन्।”