नेपालभाषा एकेडेमीया ग्वसा: – येँयाबले दबु प्याखं

नेपालभाषा एकेडेमि व यल महानगरपालिकाया न्ह्यब्वया खःप्याखं विधामध्येय् प्याखं न छता खः । स्वनिगःया नेवाःतय्गु आपालं अमूर्त सम्पदामध्येय साहित्यिक परम्परा नं खः । साहित्यया थीथी

लिच्छविकालीन अभिलेखय् प्याखंनाप स्वापू दुगु आपालं खग्वःत लुयावःगुलिं व प्रत्येक नेवाःवस्तीइ आःतक दबू ल्यनाः हे च्वंगुलिं स्वनिगःया नेवाःत प्याखंप्रेमी खः धैगु स्पष्ट जू । स्वनिगःया पुलांगु प्याखंकथं स्वनिगःया जलप्याखं (हरिसिद्धिप्याखं यात कायेगु याः । जलप्याखं थौसिबे ध्यमथ्यं स्ववःदं पुलां धायेगु याः । थौंतकं थुगु प्याखं झिंनिदय् छकः थीथी थासय् वनाः क्यनेगु याः । अथे हे जुजु सिद्धिनरसिंह मल्लया कात्तिप्याखं, उगु हे इलय्या झ्यालिंचा प्याखं स्वसःत्या दँ पुलेधुंकल । थुकथं स्वनिगःया नेवाःतय्सं छगू हे प्याखंयात ता:ईतक निरन्तर न्ह्याकाच्वंगु धैगु विश्व रिकर्ड जुइफु । नेवाःतय् प्याखंप्रति नुगः क्वसाःगुलिं हे थुकथं प्याखनं निरन्तरता कयाच्वंगु खः । सिनाज्या क्वचायेवं शारिरीक व मानसिक स्वस्थताया नितिं नेवाःतय्सं गुंला (श्रावण/भाद्र) निसें आपालं मनोरञ्जनात्मक ज्याखँ न्ह्याकी । नेवाःतय् प्रत्येक त्वाःत्वालय् दुगु प्राचिन दबुली थीथी प्याखं न्ह्यब्वया मनोरञ्जन याइ । थौंकन्हे फेसबुक,इन्स्टाग्राम, युट्युब थें जाःगु सामाजिक सञ्जालया हुनिं सार्वजनिक स्थलय् क्यनीगु दबूप्याखं (खःप्याखं)या महत्व म्हो जुजुं वन । धार्मिक, सामाजिक, राजनैतिक विविध विषयया खःप्याखं स्वयेत हे आपुलु जुल । नेवाःतय्सं न्ह्याकावंगु थज्याःगु अमूल्य धरोहरयात

ल्यंकातयेमाः । लोकह्वाःगु थज्याःगु खःप्याखंयात हाकनं पुनः जीवित यायेमाः । थ्वहे खयात वाचायेकाः नेपालभाषा एकेडेमिं यल महानगरपालिकाया नेपालभाषा, साहित्य, संस्कृतिप्रेमी हनेवहम्ह मेयर भाजु चिरिबाबु महर्जनया न्ह्योने थज्याःगु नेवाःतय्गु अमूर्त सम्पदायात ल्यंकातयेमाःगु खँ न्ह्यथसें प्रस्ताव न्ह्यब्वल । एकेडेमिया थज्याःगु प्रस्तावं मेयरजु उत्साहित जुयादिल । अले तुरुन्त हे थुगुसीनिसें येंयाःपुन्हिया लसताय् एकेडेमिलिसें जानाः यलय् खः प्याखं न्यायेकेगु निर्णय

न्यंकादिल । यल महानगरपालिकाया सुखद् निर्णय वयेवं नेपालभाषा एकेडेमि खः प्याखंया नितिं पहल यात । थुगुसी खःप्याखं क्यनेत क्वय् न्ह्यथनाकथं ज्या न्याकेगु जुइ –

० यलमहानगरपालिका दुनेया खलः, पुचः वा च्वमिपिन्सं ब्वति कायेफइ

० राष्ट्रिय अखण्डताय् आँच वइगु छं नं खं न्ह्यथने दइमखु

क) नेवाः सभ्यताया छगू गर्व यायेबहगु संस्कृति ल्यंकेत तिबः जुइ

ख) च्वमि व कलाकारतय् प्रतिभा न्ह्यब्वयेगु वःताः चूलाइ

ग) नेपालभाषा एकेडेमि व यलमहानगरपालिकायात नेवाःतय् प्राचिन सम्पदा ल्यंकेगु वःताः चूलाइ

घ) यलमहानगरपालिकां थःगु सन्देश प्रवाह यायेगु वःताः चूलाइ

ड) रोजगारीया ह्वःताः चूलाइ