यें महानगरय् अरविन्द्र मान सिंह

यें/नेवा: देय् दबू यें महानगर कमिटीया नाय: पदय् अरविन्द्र मान सिंहयात ल्य:गु दु । शनिबा: यें जूगु महानगर अधिवेशनं सिंहयात नाय:कथं ल्य:गु ख: ।
अधिवेशनं ल्य:गु कार्यसमिति पदाधिकारीपिं छसिकथं
वरिष्ठ न्वकू उदेन न्हूसायमि,न्वकू शैलेश कुमार डंगोल,मिसा-न्वकू सुलोचना मानन्धर श्रेष्ठ,छ्‌यान्जे मन्जिल महर्जन,मिसा छ्यान्जे निरु महर्जन भिंतुना व दांभरिलय् रोशन महर्जनयात ल्य:गु दु ।
अधिवेशन नगर परिक्रमा याना: छेत्रपाटी पार्टी प्यालेसय् न्ह्या:गु ख: । देय् दबूया केन्द्रिय नाय:मूपाहां पवित्र बज्राचार्यं पवित्र बज्राचार्यं सुकुन्दा च्याका: उलेज्या या:गु ख: ।
यें महानगर कमिटीया निवर्तमान नाय: शोभा महर्जन बज्राचार्यं थुगु अधिवेशन पाखें न्हूम्ह नाय: अरविन्द मान सिंहयात पद हस्तान्तरण या:गु ख:। ज्याझ्वलय् सांस्कृतिक न्ह्यब्वया झ्वलय् कलाकार रन्जु श्रेष्ठं वज्रयोगिनी चर्या प्याखं न्ह्यब्व:गु ख: अथे हे भिम्सेन रिसाल व अन्नपूर्णेस्वरी श्रेष्ठं ख्याल: न्ह्यब्व:गु ख: धा:सा बिज्यापू धिमे खल: पाखें धिमे ब्वज्या नं या:गु ख:।