थ्व ग्वफय् (चिनाखं)

महर्जन राजन

थ्व ग्वफय् गबलय्‌निसें
चाहिलाच्वंगु दु
ल्वँह: हिति फुसय्
त्वाया च्या पसः न्ह्यने
चुकः बहिलिइ
दबु दबुलिइ
हाकुगु भ्वं छपा दुने
ब्वया च्वंगु दु –
फसय् तक्यना च्वंगु व हाकुगु भ्वं
चाच्चा हिला च्वंगु दु
गनं मथ्यंक
लित्तु लिना च्वंगु दु
थम्ह थम्हेसित
क्वात्तु क्वाना न्यना च्वंगु दु
खंपिं दक्वसित
“गबलय् ज्वी जि स्वतन्त्र?”
व भ्वं छगु बिचाः
ध्याकुने लाना च्वंगु आन्दोलन या छगु सः
आन्दोलित मनया छगु नुगः सः
मुर्त जुइमफुनिगु छगु म्हगसः
फसं दासां तिकथि निपुलिइ
प्यपुना भुतुमालि जुइमफुगु छगु बाध्यता
व भ्वं
च्याना ह्याउंक ह्यङ्वा जुइ मफुनिगु छका प्यागु सिं
व ग्वफय्
स्थापित दमनयात पुइका छ्‌वयत म्वाय् मसनिगु सुनामी

(न्युयोर्कय् जुगु ‍”Reclaiming our Tongues” ज्याझ्वलय् न्हापा ब्वनेज्या जूगु चिनाखँ)