च्वापुगुँया शिल छुनाः मुसुं न्हिलाच्वंम्ह

–

– राजेन्द्र महर्जन

च्वापुगुँया शिल छुनाः मुसुं न्हिलाच्वंम्ह
वहे खः झीगु देय् धीर जुयाः दनाच्वंम्ह

खुसिया व लः गुँच्वं ब्वैगु फय् झीगु प्राण
देय्‌गः, सतः, फल्चा, हिति झीगु ज्यान

झीसं झीत ब्वयेगु धैगु भाय् झीगु नेवाः
नेपाः देय्‌या नेपाःमि झी संस्कृतिया थुवाः

समाःज्वलं छ्यनय् छुइगु मतू झीगु कला
ल्यंके झीसं झीगु निम्ति पलापतिं छ्यलाः

झीगु लिपिं झी पुर्खाया वँखँ झीत कनी
सयेके थौंहे मखुसा झीगु म्हसीका हे तनी

ह्यूपाःलिपाया छपु सिर्जना
२०८० पुस १६ गते, सोमबार