जगतसुन्दर ब्वनेकुथिया ३० क्वःगु बुदिं हन

जगतसुन्दर ब्वनेकुथिया ३० क्वःगु बुदिं बुधबार छगू ज्याझ्वः याना हंगु दु । संस्थापक अनाररत्न बज्राचार्यया नायःसुइ १५ वडाया अध्यक्ष ईश्वरमान डंगोलं त्वादेवाय् मत च्याका उलेज्या यानादीगु खः । उगु ब्वनेकुथिया संचालक दुजः प्रा.डा चुन्दा बज्राचार्य, संस्थापक दुजःपिं अमेश बज्राचार्य, राजभाई जकःमि, कलाकार अजय देसार, अक्षयकोष नीस्वनादीपिं इन्दिरा मानन्धरपिन्त  खादां न्ययेका प्रिन्सिपल सुनिता मानन्धरं लसकुस न्वचू तयादीगुु खः । उगु ब्वनेकुथिइ नीन्यादँ तक्क ज्या याना ग्वाहालि यानादीपिं लेखापाल विजयरत्न बज्राचार्य व शिक्षिका रमिता मालाकारयात मुँज्यानायः बज्राचार्यं दोसल्लां न्ययेका हंगु खः । अथेहे उगु ज्याझ्वलय् सुस्मिता राजभण्डारी व प्रभात शाहीयात शान्ति सिरपाः व बिसंचि मोती सिरपाः नं लःल्हाःगु दु । SEE ताःलाःपिन्त लुमन्ति चिं देछागु खः । कलाकार अजय देशारं किपा च्वज्याकासाय् सिरपाः त्याकादीपिं  रवि श्रेष्ठ,  खुशी विश्वकर्मा,  सलिना घोषणा यानादीगु खः । दसिपौ मूपाहाँ डंगोलं लःल्हानादीगु दीगु खः । बुखँ/किपा : नेवाः सूचना केन्द्र,