संयुक्त राष्ट्र संघीय घोषणा पत्रकथं अभिमुखीकरण तालिम

यें/अन्तर्राष्ट्रिय श्रम संगठन १६९ आदिवासी अधिकार सम्बन्धी संयुक्त राष्ट्रसंघीय घोषणापत्र २००७ (ILo 169, UNDRIP 2007) विषयक अभिमुखीकरण तालिम शुक्रवाः येँया नेपाः ब्याङ्क्वेटय् क्वचाःगु दु ।

नेवाः देय् दबू ३ नं प्रदेशया ग्वसालय् उमेश स्थापितं न्ह्याकादीगु ज्याझ्वलय् तालिमया उद्देश्य बारे दबूया केन्द्रीय नायः नरेश ताम्राकारं ध्वाथुइकादीगु खः ।

नेपाःया आदिवासीतय्गु मानव अधिकार सम्बन्धी वकिलपिनिगु पुचः लाहुर्निपया भीम राई प्रशिक्षण बियादीगु उगु ज्याझ्वलय् दबूका थीथी लागाया प्रतिनिधिपिं, कानुन व्यवसायीपिंनापं थ्यंमथ्यं ७० म्हस्या ब्वतिकयादीगु खः ।

खोना, बालाजुथें जाःगु थीथी थासय् विकासया नामं जुयाच्वंगु विनासया बारे थीथी मनूतसें तयादीगु न्ह्यसःया लिसःनं प्रशिक्षक राईनं बियादीगु दु ।

बुखँ/किपा : नेवाः सूचना केन्द्र