धर्मकीर्ति विहारया हथायगु सुचं !

विश्व न्यंक तच्वया वनाच्वंगु कोरोना भाइरस COVID-19 पाखें तापाना तापाक्क च्वनेमाःगु वाःचायेकाः धर्मकीर्ति विहारया फुक्क औपचारिक ज्याझ्वः स्थगित जूगु जुल । २०७६ चैत्र ९ गते निसें क्वय् न्ह्यथना कथं व्यवहार यानादिइत धर्मकीर्ति विहार संरक्षण कोष व फुक्क एकाइया पदाधिकारीपिं, दुजःपिं, सकल उपासक उपासिकापिं व सम्वन्धित सकलसित मैत्रीपूर्वक इनाप यानागु जुल ।

१. धर्मकीर्ति विहारया आवासीय गुरुमांपिं जक च्वनाः नियमित बुद्धपूजा ज्याझ्वः यायेगु जूगुलिं
मेपिं सकलसित थःथःगु छेँय् च्वनाः हे बुद्धपूजा व मैत्री सूत्र सहितया परित्राण पाठ यानादिइत इनाप दु ।
२. धर्मकीर्ति बौद्ध अध्ययन गोष्ठीया शनिवाःया कक्षा बन्द यायेगु ।
३. धर्मकीर्ति बौद्ध अध्ययन गोष्ठीया ग्वसालय् जुइगु अल्पकालिन बाल प्रब्रज्या शिविर मयायेगु ।
४. अति आवश्यक ज्या मदयेकं विहारय् वनाः गुरुमांपिं नापलाः मवनेगु ।
५. सम्भव जूसा बुद्धपूजा लगायत धर्मकीर्ति विहारया मेमेगु ज्याझ्वः धर्मकीर्तिया फेसबुक पेजपाखें
प्रत्यक्ष प्रसारण यायेगु व्यस्था यायेगु ।
६. फेसबुक मस्वइपिं सकसितं नं थुगु सुचं थ्यंकाबिइगु ।

थुज्वःगु प्रतिकूल परिस्थितिइ धर्मकीर्तिया थुगु इनापयात खःकथं थुइकाः कोरोना भाइरस COVID-19 पाखें तापाना च्वनेत थःथःगु थासं अवश्य नं ग्वाहालि यानादिइ धयागु भलसा कासे भय अन्तराय मदयाः सकलसिया मंगल जुइमा धकाः मैत्री कामना याना ।
साधु! साधु!! साधु!!!