खड्गी सेवा समितिइ हाकनं अन्जिता खड्गी

यें/ नेपाल खड्गी सेवा समितिया सिल्लाथ्व अष्टमी  आइतबा: खुन्हु यें जूगु न्ह्यक्वःगु तःमुँज्याया बन्दसत्रं अन्जिता खड्गीयात हे  सर्वसम्मतं नायः ल्यःगु जुगु दु ।
बन्द सत्र नेपाल पुुुलिक्लबय् जूूूूगु ख: । तःमुँज्याय् देय् न्यक २२ जिल्ला ब्बति काःगु खःसा स्वसः न मल्याक प्रतिनिधि व १५० म्ह पर्यवक्षकपिन्स ब्बति काःगु खँ खड्गी सेवा समितिं धा:गु दु ।
अथेहे उगु मुँज्या बरिष्ठ उपाधक्ष्यय् प्रकाश खड्गी, न्वकुलय् दिलबहादुर खड्गी, गोबिन्द्र बहादुर खड्गी, श्रवणकुमार नेवाः खड्गीयात नाप महासचिवय् राज शाही व उप महासचिवय् राकेश खड्गी व कोषधक्ष्यय् प्रदिप खडगीयात न सर्वसम्मतं ल्यःगु खः ।
अथेतु, दुजलय् तोरण शाही, मुकेश खडगी, सबिक शाही व सजित खड्गीयात ल्यःगु खः ।
उगु निर्वाचन कमितिइ आनन्द बहादुर शाहीया संयोजकय् कपिलमान खड्गी दुजः च्वनादिगु खः ।
थ्व अन्जिता खड्गीया नाय:या रुपय् निक्व:गु कार्यकाल ख: ।वयक; नेवा: देय् दबूया केन्द्रिय कोषाध्यक्ष नं जुयादी ।