खड्गी सेवा:समितिया त:मुज्या थौं शनिबा:

यें/नेपाल खड्गी सेवा समितिया ७ क्वःगु केन्द्रिय तःमुँज्या जुइगु जूगु दु ।
ने.सं. ११४० सिल्लाथ्व सप्तमी (माघ १८ गते) शनिवाः येँया बसन्तपूलिइ न्हिच्छिं तःमुँज्याया थीथी ज्याझ्व:त जुयाच्वनीगु ग्वसाः खलः नेपाल खड्गी सेवा समितिं जानकारी ब्यूगु दु ।
७ क्वःगु  तःमुँज्याय् नेपाः देय् न्यंकंया गुथि थकालीपिन्त हनीगु स्वास्थ्य शिविर लिसें हिदान ज्याझ्वः व सांस्कृतिक किपाः ब्वज्या ज्याझ्वः जुइ । खड्गी समितिया पदाधिकारीं धा:कथं ज्याझ्वलय थीथी सिरपाः इनेगु ,सांस्कृतिक सांगितिक ज्याझ्वः, नेवाः नसाःत्वँसा स्टललिसें रंजना लिपि क्यालि जात्रा नं जुइ ।

तःमुँज्याया लसताय् सुथसिया १० ता इलय् सांस्कृतिक जुलुस न्ह्याइ ।