“वँय् सु ?” नाटक सफू पिदन !

येँ, पोहेलाथ्व पञ्चमी । पत्रकार रत्न ‘मन’ या नाटक मुना सफू ‘वँय् सु ?’ पिदन ।
मेरो साप्ताहिक पत्रिकाया ग्वसालय् मंगलवाः येँ छगू ज्याझ्वःया दथुइ येँ महानगरपालिकाया मेयर विद्या सुन्दर शाक्यंं उगु सफू पितब्वज्या यानादीगु ख:।
रत्न ‘मन’या नायःसुइ जूगु उगु ज्याझ्वलय् विजय सिंहंं लसकुस न्वचू तयादिइगु ख: धा:सा नेवाः मिडिया क्लबया नायः सन्त कुमार महर्जनं सफूया समालाेचना यानादीगु खः ।
ज्याझ्वलय् विशेष पाहाँकथं च्वमिंया मां रत्न देवी महर्जन व अबु भाइकाजी महर्जन, थीथी वडाया वडाध्यक्षपिं न्हुच्छेकाजी महर्जन, ईश्वरमान डंगोल, नेवाः पत्रकार राष्ट्रिय दबूया केन्द्रीय नायः सुरजबीर जिल्ला नायः सुरजवीर बज्राचार्य व यें जिल्ला नाय: अरबिन्द मान सिंपिं झायादीगु खः ।
बुखँ /किपा – नेवाः सूचना केन्द्र