साहित्य नख: क्वचाल

येँ/ निन्हु यंकंं न्ह्यागु  स्वक्वःगु नेपालभाषा साहित्य नखः कमलादी, क्वचाल ।
सन्ध्याटाइम्स पिथना प्रा.लि.या ग्वसालय् रमेश काजी स्थापितया नायःसुइ हसना लवजुं न्ह्याकादीगु उगु ज्याझ्वलय् नेपालभाषा टाइम्स न्हिपौया सम्पादक सुरेश किरण मानन्धरं लसकुस न्वचू तयादीगु खः ।
जासुसी उपन्यासकार राज सायमिया जासुसी उपन्यास ‘तुयुगु अजः’, साहित्यकार राजेन्द्रकुमार पुताया ‘गजलया सिद्धान्त व नेपालभाषाय् गजल’ व ‘सुथया लिसः’, बाखंच्वमि उपन्यासकार मथुरा सायमिया आत्मकथा ‘सायमि जि मथुरा’, गजलकार भुषणप्रसाद श्रेष्ठया गजल मुना ‘नुगःया गुनगुन’, कवि बासुदेव अधिकारीया नेपालभाषं अनुवादित चिनाखं मुना ‘युरो स्पर्श’ व साहित्यकार उद्धव मास्केया नियात्रा ‘छगू नन्द देसय्’ चिखिफ्यनेज्या मूपाहाँ येँ महानगर पालिकाया मेयर विद्यासुन्दर शाक्य, नेपालभाषा एकेदेमिया चान्सलर चित्तरञ्जन नेपाली, नेपालभाषा मंकाः खलःया नायः जनकवि दुर्गालाल श्रेष्ठ, किपू नगरपालिकाया मेयर रमेश महर्जन, मानव अधिकारवादी नेवाः न्ह्यलुवाः मल्ल के. सुन्दरपिन्सं मंकाः कथं न्हयगू सफू पितब्वज्या यानादीगु खः ।
उगु ज्याझ्वलय् नेवाः न्ह्यलुवाः मल्लं पिदंगु न्हयगू सफूया बारे बःचाहाकलं समिक्षा यानादीगु खः ।

बुखँ–नेवाः सूचना केन्द्र