October, 2019
न्हूदँ सांस्कृतिक र्यालीया निंतिं बाजं खलःतय्त इनाप
Maharjan Ratna
येँ, कौलागा चतुर्दशी । न्हूदँया लसताय् येँय् जुइगु वृहत् साँस्कृतिक रयालिइ ब्वतिकायेत ब्वनापौ बिइथें व आः वइगु मंगलबार नेसं न्हूदँ पारुकुन्हुया रयालिइ ब्वतिकायेत येँया स्वीगू स्वयाःयाक्क बाजं खलःतय्त सःताः न्हूदँ समारोह समितिं छगू ज्याझ्वः यात । ज्याझ्वलय् येँ महानगरपालिकाया प्र्रमुख विद्यासुन्दर शाक्य, उपप्रमुख हरिप्रभा खड्गी श्रेष्ठ व मेमेपिन्सं खलः पुचःया प्रतिनिधिपिन्त दुतिनापौया फारम लःल्हाःगु खः । न्हापाया सालय् साँस्कृतिक रयालिया निंतिं दक्व खलःपुचःपिन्त दापा बाजं खलःयात किपू बिया तये धुंकूगु खःसां लिपा नेपालभाषा मंकाःखलःया नायः पद्म रत्न आकाझाकां मदुगु व साँस्कृतिक रयालि हे दिकेमाःगु धकाः निर्णय जुइवं अबलय् रयालि मन्ह्यात