देहावसानपछि पनि उदाहरणीय शताब्दी पुरुष

काठमाडौं / भाषा संस्कृति अनि साहित्य क्षेत्रमा आफ्नो जीवन अर्पण गर्नुभएका वाङ्मय शताब्दी पुरुष सत्यमोहन जोशीको देहावसानसँगै उहाँको अन्तिम संस्कारका विषयमा पनि उहाँ नमूना बनेर जानुभएको छ ।
उहाँको पार्थिव शरीरलाई श्रद्धाञ्जलीका लागि ललितपुर नगर पालिका पुल्चोकको प्रांगणमा राखी विभिन्न क्षेत्रका हस्तीहरुबाट श्रद्धाञ्जली व्यक्त गर्ने कार्य भएपछि पुन: पार्थिव शरीर अध्ययनका लागि शिक्षण अस्पताल फिर्ता लगिएपछि कतिपय आश्चर्य चकित पनि भएका छन् ।
सून्यता ज्ञान बारे गहिरो अनुभव समेत गरेका उहाँले मृत्युपूर्व स्वेच्छाले आफ्नो शरीर दान गर्नुभएको थियो ।
लोक साहित्यलाई असाध्यै माया गर्ने उहाँ एक किसिमले भाषा साहित्य जगतका अभिभावक नैं भन्दा फरक नपर्ला ।
केही दिनदेखि कमजोर भएका कारण उनलाई किस्ट अस्पताल भर्ना गरी उपचार गराइरहनु भएको थियो आज आइतबार बिहान ७ बजेर ९ मिनेट जाँदा उहाँको निधन भएको चिकित्सकहरुले घोषणा गरेका थिए । १२:३० बजे किष्ट अस्पतालको प्रांगणमा उहाँको पार्थिव शरीर राखी श्रद्धाञ्जली अर्पण गरिएको थियो ।
त्यसपछि उहाँको पार्थिव शरीर लिन आइपुगे ललितपुर महानगर पालिकाका मेयर चिरिबाबु महर्जन । उनलाई सजाइएको गाडीमा राखी महानगर प्रहरीको स्कर्टिङमा महानगर पालिका कार्यालय प्रांगन पुर्‍याईयो ।
प्रधानमन्त्री शेरबहादुर देउवादेखि पूर्व प्रधानमन्त्रीहरु झलनाथ खनाल , पुष्पकमल दाहाल प्रचण्ड तथा मन्त्रीहरु तथा नेताहरु पनि अन्तिम श्रद्धाञ्जली व्यक्त गर्न पुल्चोक पुगे ।
त्यसैगरी हाँस्य सम्राट मदनकृष्ण श्रेष्ठदेखि धेरै कलाकारहरु भाषा संस्कृतिप्रेमीहरु श्रद्धाञ्जली व्यक्त गर्न पुल्चोक पुगेका थिए ।
उहाँको तीन पटक मदन पुरस्कार पाउने एक मात्र व्यक्ति हुनुहुन्छ ।
जीवनको अन्तिम समयमा उहाँको इच्छा अनुसार चक्रसंभरको पौभा लेखन कार्य उहाँकै निवास लोक संस्कृति परिषदको म्युजियममा बनिरहेको भैरहेकोमा त्यो पूर्ण भएको उहाँको जीवनकालमा देख्न भने पाउनुभएन ।
१०३ वर्षको उमेरमा भाषा संस्कृतिका अभिभावक जोशीले अनित्य देह त्याग गर्नुभएको छ ।