फेरि बज्यो खतराको घण्टी , थप ८४१ जनामा सङ्क्रमण पुष्टि, २ जनाको मृत्यु

काठमाडौं / कोरोनाको खतराको घण्टी फेरि सुरु भएको महसुस गरिएको छ । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा ८४१ जना कोरोना भाइरसका सङ्क्रमित थपिएका छन् । ८,८४८ जनामा आरटीपीसीआर परीक्षण गरिएकोमा ८४१ जनामा कोरोना सङ्क्रमण पुष्टि भएको तथा ३, ७८४ जनामा एन्टीजेन परीक्षण गरिएकोमा ३२६ जनामा कोरोना सङ्क्रमण देखिएको छ । यो तथ्यांकले फेरि एकपटक त्रास देखिएको छ ।
भारतमा कोरोना उच्च दरले बढेको बेला पनि सीमा नाका खुल्ला हुनु र हवाई सेवा खुल्ला हुनुका कारण यसरी नेपालमा प्रभाव बढेको भन्दै विश्लेषकरुले उक्त क्षेत्र बन्द गर्नुपर्ने आवाज उठाइरहेको छ । तर सरकारले यता ध्यान भने दिएको छैन । बरु सार्वजनिक यातायात बन्द र २५ जनाभन्दा बढी भेला हुन नपाउने जस्ता कुरा बाहिर ल्याइरहेको छ । यो पर्याप्त कार्य हैन ।
यतिबेला स्वास्थ्य मन्त्रालयले नेपालमा कोरोना सङ्क्रमणमुक्त हुने दर ९८ प्रतिशत रहेको जनाएको छ ।
यसैगरी, देशभर हालसम्म ६,७५५ जना सक्रिय सङ्क्रमित रहेको स्वास्थ्य मन्त्रालयले जनाएको छ ।