बागमती प्रदेशमा मन्त्रीमण्डल विस्तार, नवनियुक्त मन्त्री राज्यमन्त्रीहरुद्वारा शपथ ग्रहण

हेटौंडा /अल्पमतमा परेका भनिएका बागमती प्रदेशका मूख्यमन्त्री अष्टलक्ष्मी शाक्यले मन्त्री मण्डल विस्तार गरे लगत्तै प्रदेशका नवनियुक्त मन्त्रीहरुलेले शपथ लिएका छन् ।

शपथ ग्रहण गर्नेहरूमा आर्थिक मामिला तथा योजना मन्त्री रचना खड्का, आन्तरिक मामिला तथ्या कानुन मन्त्री अजय क्रान्ती शाक्य, उद्योग, पर्यटन वन तथा वातावरणमन्त्री शान्तिप्रसाद पौडेल, सामाजिक विकासमन्त्री विवेक सुवेदी, स्वास्थ्यमन्त्री प्रदीप कटुवाल, भूमि व्यवस्था, कृषि तथा सहकारीमन्त्री चन्द्र लामा रहेका छन् ।

त्यस्तै राज्यमन्त्री जीवन खड्का, बद्री मैनाली, सरस्वती बाटी, जुनेली श्रेष्ठले पनि शपथ लिएका छन् ।मुख्यमन्त्री शाक्य गत भदौ २ गते मुख्यमन्त्री नियुक्त भएकी हुन् । लामो समय एमालेमा माधवकुमार नेपालको पक्षमा रहँदै आएकी उनी प्रदेश सरकारको नेतृत्व गर्नुअघि एमालेमै रहने निर्णयमा पुगेकी थिइन् ।