पोखराबाट सिटी वन टेलिभिजन प्रशारण सुरु

पोखरा / स्टार नेपाल मिडिया हव प्रा.लिद्वारा संचालनमा आएको सिटी वान टेलिभिजनले औपचारिक रुपमा देशव्यापी परीक्षण प्रसारण सुरु गरेको छ ।
“समाचार र मनोरञ्जनका लागी सिटी वान” भन्ने नारा सहित यस टेलिभिजनको परिक्षण प्रसारण सुरु गरिएको छ । अहिले टेलिभिजनको परीक्षण प्रसारण क्लियर टिभीको च्यानल नम्वर ९६३ तथा सामाजिक संजाल युट्युव, फेसवुक पेज मार्फत हेर्न सकिन्छ ।
टेलिभिजनको स्टुडियोमा आज एक कार्यक्रमको आयोजना गरी प्रा.लिका अध्यक्ष पवन प्रजापतीले परीक्षण प्रशारणको शुरुवात गरेका हुन् ।
सो अवसरमा प्रजापतिले टेलिभिजन गण्डकी प्रदेशका सवै नागरिक तथा दर्शकहरुको आवाज वोल्ने भन्दै संचारको बदलिँदो प्रविधिलार्ई टेलिभिजनले आत्मसात गर्ने बताए ।
टेलिभिजनले आगामी असोजबाट नियमित प्रसारण गर्ने प्रबन्ध निर्देशक अनिशा श्रेष्ठले पत्रकारसंग कुरा गदै बताए ।
श्रेष्ठका अनुसार टेलिभिजन सञ्चालनमा आएसँगै अब पृथक कार्यक्रम बिभिन्न रियालिटि सो कार्यक्रम समेत प्रसारणका लागि तयारी गरिरहेको उनले बताए । साथै टेलिभिजनका साथसाथै अन्लाईन, टेलिभिजनको एपपलाई पनि थप परिस्कृत गर्दै लैजाने उनले बताए ।
पोखराको नयाँबजारमा प्रधान कार्यालय रहको टेलिभिजनले सूचना मनोरञ्जन लगायत अन्य क्षेत्रमा पर्दा पछाडी रहेका विषय वस्तु र आवाज बिहिनको आवाज बनेर दर्शक माझ आफ्ना समाचार र कार्यक्रम प्रस्तुत गर्ने टेलिभिजनले जनाएको छ ।
सुभाय् मिडिया परिवार सिटी वन टेलिभिजनको सफलताको कामना गर्दछ ।