काठमाडौँ  उपत्यकामा मात्र ५६६ सङ्क्रमित थपिए,सक्रिय सङ्क्रमितको सङ्ख्या ११,०३८ , आज साया: (गाईजात्रा) पर्व

सक्रिय सङ्क्रमित -११,०३८

• काठमाडौँ – ७,४२०,
• ललितपुरमा – २,२१८
• भक्तपुरमा – १,४००

काठमाडौँ /  आज काठमाडौंमा साया: (गाईजात्रा) मनाइंदै छ । यो मृतकहरुको सद्गतिको कामना गर्दै मनाइने पर्व हो   । यतिबेला उपत्यकामा कोरोनाको संक्रमणको डर पनि उत्तिकै रहेको छ । निकै न्यून संख्यामा परिक्षण भैरहँदा पनि स्वास्थ्य तथा जनसंख्या मन्त्रालयका अनुसार हिजो भदौ ६ गते शनिबार मात्र काठमाडौँ उपत्यकामा कोरोना भाइरसका ५६६ सङ्क्रमित थपिएका छन् । काठमाडौँमा ३९५, ललितपुरमा ११० र भक्तपुरमा ६१ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
काठमाडौँमा हाल सक्रिय सङ्क्रमितको सङ्ख्या ७,४२०, ललितपुरमा २,२१८  तथा भक्तपुरमा १,४००  रहेको पनि सो मन्त्रालयको तथ्याङ्कमा उल्लेख छ ।
यस्तो अवस्थामा पनि भीडभाड भने त्यतिकै रहेको छ । सरकारले कुनै ठोस योजना र नीति ल्याउन सकेको अवस्था पनि छैन । अवस्था जटील छ त्यसैले सबै आफै सचेत हुनुपर्ने अवस्था रहेको देखिन्छ । पर्वहरुमा पनि सचेत हुनुपर्ने अवस्था भने कायमै रहेको विज्ञहरुले भनेका छन् ।