मास्कया हालि-मुहाली !!

मथुरा साय्‌मि

मोबाइल तिररर न्यात । थयक स्वया । पासा ज्ञानकाजीया फोन ।
मास्क माला । मदु । न्ह्यःनेसं हे तयागु । ग्व, गन तल । अन नं मदु, थन नं मदु । गन तल जुइ काः । अलजाइमर धाःगु ल्वचं जक थिल ला कि छु जितः। दक्वदाक्वं हे ल्वःमना वनीगु । हेत्तेरी , उ छु अन हायन्गरय् छु ले व । काचाक्क वनाः मास्क कया । त्यापतिप्पमिंक स्वत्ताक तया ।
घाः, फोन ला दित खनी । छु धायेत फोन याःगु जुइ पासां ।
हथायगु ज्या खःसा हानं छकः फोन याना हयेफु । मखुसा म्वाःल । थम्हं छकः लिपा फोन यानाः न्यनेका । बिचाः थथे वल । अयनं फोन न्याइला धकाः मोबाइल गबायत ल्हाःती हे तैतया । मवः । मवःसा म्वाःलका । ज्या मदयाः गफसफ यायेत जक नं फोन याये यः वं ।
मछिंक प्यपुनाच्वंगु मास्क लिकयाछ्वया ।
क्या जक फसात, फोनय् खॅ ल्हायेत नं छाय् मास्क माःजुयाच्वंगु जुइ जिं , धेक्कार !! ( Photo : internet)