सचेत रहनु होला ,भयावह बन्दैछ कोरोना ! आज थप ५,६५७ सङ्क्रमित, ९२८ कोरोनामुक्त, ३३ को मृत्यु

काठमाडौं / आज नेपालमा कोरोनाभाइरसका ५,६५७ जना सङ्क्रमित थपिएका छन् । पछिल्लो चौबीस घण्टामा १५,३९१ जनाको पीसीआर परीक्षण गरिएकोमा ५,६५७ जनामा सङ्क्रमणको पुष्टि भएको हो ।
स्वास्थ्य तथा जनसंख्या मन्त्रालयले आज गरेको कोरोना अपडेटका अनुसार आजसम्म कुल सङ्क्रमितको सङ्ख्या तीन ३,२३,१८७ पुगेको जनाएको छ । मन्त्रालयका अनुसार हाल ३८,८१३ जनामा भाइरसको सङ्क्रमण सक्रिय रहेको छ ।
मन्त्रालयका अनुसार पछिल्लो चौबीस घण्टामा ९२८ जना सङ्क्रमित निको भएको उल्लेख गरेको जनाउँदै हालसम्म २,८१,० ९५ जना कोरोनामुक्त भएको जनाएको छ ।
हाल निको हुने दर ८६.९ प्रतिशत छ ।
मन्त्रालयले दिएको जानकारी अनुसार गत चौबीस घण्टाभित्रमा मृत्यु भएकाहरुको संख्या २८ रहेको जनाएको छ ।
कोरोनाको स्थिति नेपालमा पनि भयावह बन्दै गएको अवस्था छ ।
यो समय सबै क्षेत्र संयमित हुनु जरुरी छ सचेत हुनु जरुरी छ ।
विशेष गरि काठमाडौं उपत्यका निकै संवेदनशील छ । उपत्यकाबासी को यसमा ध्यान गएको त देखिन्छ । स्थानीय निकाय प्रदेश सरकारले पनि अस्पतालदेखि लिएर विभिन्न स्थानमा दिनुपर्ने सेवाको निम्ति आवश्यक सहयोग गर्न तयार रहनुपर्ने अवस्था छ ।