अन्जना ताम्राकारया “लुमन्तिया ज:” पिदन

यल/ नेपाल भाषा साहित्यय् न्हूपला:या रुपय् खने दयेक झा:म्ह अन्जना ताम्राकारया हाइकु सफू “लुमन्तिया ज:” पिदंगु दु ।
अन्तर्राष्ट्रिय हाइकुुुुु दिवसया लसताय् थौं शनिबा: यलया लोक संस्कृति परिषदया हलय् छगू ज्याझ्व: यासें हाइकु मुना सफू बिमोचन जुगु ख: ।
थ्व ज्याझ्वलय् मूपाहांकथं शताब्दी पुरुष सत्यमोहन जोशी झायादीगु ख: ।

“मतिनाया चिं”सफूया विमोचन शताब्दी पुरुष सत्यमोहन जोशी , नरेशबीर शाक्य , ध्रुब मधिकर्मी, बागमती प्रदेशया सांसद शाक्य , लगायतपिसं यानादीगु ख: ।
साहित्यप्रति आकर्षण जूगु भावनात्मक खँ कना: च्वमि अन्जना ताम्राकारं सकसितं भावुक यानाब्युगु ख: । वयक: नांजा:म्ह गायक रमेश ताम्राकारया तिरिमयजु ख: । आकाझाकां थ: ज्यान स्वयां माया याना त:म्ह थ: मिजं मदुगु पीडा अले उगु पीडायात हे ल्वमंकेगु कुत: कथं  साहित्यय् उलि ज्ञान मदुसां पला: न्ह्या:गु खँ वयकलंं कनादिल । लिसें उगु इलय् कायपिसं यक्व हे साथ बिया: थुगु अवस्थाय तक थ्यने फुगु खँ नं कनादिल । लिसें याकनं वयक:या छपु उपन्यास व छगु चिबाखं सफू पिहां वयेत्यंगु नं जानकारी बियादिल ।
ज्याझ्वलय् ध्रुब मधिकर्मी लगायतपिसं सफूया समालोचना यानादीगु ख: । ज्याझ्व: ईल्वँह प्रकाशनया नाय: नरेशवीर शाक्यया सभापतित्वय् जूगु ख: ।