नेपालभाषा परिषदया झिंखुक्व:गु दँमुंज्या

यें/ वंगु शनिवा: , नेपालभाषा परिषदया झिंखुक्व:गु दँमुंज्या जगतसुन्दर ब्वनेकुथिइ परिषदया नाय: प्राध्यापक सुवर्ण शाक्यं त्वादेवाय् मत च्याका उद्घाटन याना दिल । परिषदया दुज: बिमलप्रभा वज्राचार्यं न्ह्याकादीगु उगु ज्याझ्वलय् दुज: नरेशबिर शाक्यं लसकुसलिसें छ्याञ्जे ध्रुव मधिकर्मिं सचिवया प्रतिवेदन व कोषाध्यक्ष मंगला कारन्जितं ल्या:चा:या प्रतिवेदन न्ह्यब्वयादिल। नाय: सुवर्ण शाक्यं थ:गु मन्तव्य बियादीसे बिसं २०७२या भुखाचं स्यंगु परिषदया छेँ भारतया सहयोगं याकन हे निर्माणया ज्या न्ह्याइगु खँ न्ह्यथना दँमुज्या क्वचायेका दीगु ख: ।
उगु ज्याझ्वलय् निर्वाचन अधिकृत भाजु नारद बज्राचार्यं नाय: सुबर्ण शाक्य, न्वकू नवीन चित्रकार, छ्याञ्जे पुष्परत्न तुलाधर, दांभरिं मंगला कारंजित व दुजलय् छत्र बहादुर कायस्थ, ध्रुब मधिकर्मि, नरेशवीर शाक्य, प्रतिसरा सायमि, बिमलप्रभा बज्राचार्य, भवानी तुलाधर व श्रीराम शाक्य दुथ्या:गु न्हूगु ज्यासनापुच:या घोषणालिसें दसिपौ नं ल:ल्हाना बिज्यात। सभाय् निर्वाचन अधिकृत भाजु नारद बज्राचार्ययात नाय: भाजुं सुभाय् बिसे मतिनाया चिं लल्हाना दीगु ख:।