चौथो विश्व नेवा: दिवस मनाइयो

काठ्माडौं / विश्वव्यापी रुपमा रहेका नेवार समुदायले आज मार्चको अन्तिम शनिवार विश्व नेवा: दिवस मनाएका छन् । विश्व नेवा: संगठनको आह्वानमा यसरी विस्व नेवा: दिवस मनाउने कार्यक्रम भएको हो ।
यसैक्रममा नेपाल कन्ट्री च्याप्टरले पनि काठ्माडौंको बसन्तपुरमा एक कार्यक्रम आयोजना गरी विश्व नेवा: दिवस मनाएको छ ।
कार्यक्रम च्याप्टर अध्यक्ष शाक्य सुरेनको सभापतित्वमा काठ्माडौं महानगर पालिकाका मेयर विद्या सुन्दर शाक्यको प्रमुख आतिथ्यमा एक औपचारिक कार्यक्रम भएको थियो । जसमा विविध क्षेत्रमा योगदान गर्नुहुने व्यक्तित्वहरुको सम्मान पनि गरिएको थियो । कार्यक्रममा वरिष्ठ  वामपन्थी बुद्धिजीवी तथा नेपाल भाषाका वरिष्ठ  समालोचक स्व. माणिक लाल   श्रेेष्ठको सम्झनामा एक मिनेट मौन धारण गरिएको थियो ।      यसै गरी विश्वका बिभिन्न भागमा समेत कार्यक्रमहरु आयोजना गरी विश्व नेवा: दिवस मनाउने कार्यक्रम भएको थियो । कतै कतै भने  विश्व नेवा: दिवस मनााउने  क्रम जारी रहेको छ ।