बिज्ञापन – चिबाखं

ज्ञानी राजा मानन्धर

थौं चिलाथ्व: अस्तमि । होलि पुन्हिया छवा: न्ह्य: दँय् दँसं बसन्तपुर दरवार स्क्वायरय् बिधिपूर्वक चीर स्वाना: होलिया शुरुवात याइगु न्हि । चीर स्वाइगु न्यना जक तयागु । प्रत्यक्ष गुब्सं स्वये मलंनि । उकिं थौं सुथ न्हापनं दना: वना ।
चीर थना: स्वायेगु भाला धालासिक्व साय्‌मि सना:गूया धा:गु न्यना तयागु ।
चीर स्वायेगु न्ह्य:ने हे निपा: बोर्ड खन । तप्यंक धायेगु ख:सा जात्राया निंतिं नं कोकया स्पन्सर । जिं उलि बांमला:गु मनय् मतया । यदि जात्रा व पर्वय् छुं बाधा मव:सा छुं पा:गु थें मताल । वंगु निदँ न्ह्य: येँया:बलय् नं स्पन्सर एम्पेरर अय्‌लाः कम्पनिं या:गु खनागु हे ख: । व हट जुल, थ्व सफ्ट ।
अन हे छम्ह पासा नापलात ।
” ज्वजलपा ” धाल ।
जिं नं ” ज्वजलपा ” धया ।
वं जिके न्यन ” छ गनयाम्ह साय्‌मि ?”
” जि तंलाछियाम्ह । ”
” यय् । अथे धा:गु गन ? ”
” धालासिक्वया जःलाखःला त्वा: हे ख: । ज्याथा नापनापं । न्हापा ला जिपिं छगू हे गुथि पुच: ख: । जिं न्यना तयाकथं पीन्यादँ न्ह्य:निसें जिपिंपाखें बायावंगु हं ।”
धायेवं वं धाल
” यय्…. । छं खन ला ? चीर थनेत हे कोकया बिज्ञापन माला वल । छु पह: थ्व ?”
धया: खल्तिं रुमाल लिकया: कपालय् जाया वयाच्वंगु च:ति हुया: खल्ती स्वथन । मेगु ल्हाती च्वंगु भ्वंया गिलासय् च्वंगु कोक घुर्कल । (किपा – महर्जन रत्न )