चिकं मदुगु इता:

लक्ष्मीकुमार महर्जन

लक्ष्मीकुमार महर्जन 
अस्पताय च्वना च्वम्ह कलाम्हं, भात म्ह कान्छा नुग: मछी वया ख्वालय,खने दु ।ता ई दय धुंकुगु ल्वचं कगु ।बास मयागु न मखु याका हे च्वंगु दु ।अयन वया ल्वय क्वलाइगु नां हे मका ।बास नया च्वंगु दु ,लाय छक ला वना च्वंगु दु।
कान्छा थौं डक्तर नाप क्वछिना वने धका पिया च्वन।
थौं भतिचा निर्मलाया ख्वा: न म्हिग म्हींग सिबे पा ,मना वगु थें ,हाकु थें ,उकि डक्तर नाप सहलह याय धका ,।
डक्तर न वल ,वयात दुने क्वथाय सतल निम्ह दुहाँ वन।वयात स्वबल, जाँचय याय मागु च्वया बिल, थ्व हि पिसाब जाचय याय धुंका सिइ दै ।,छु यायगु ?,जित छु ता धायबलय किद्नी खराब ख निगलं ।,स्वय गुलि जिइ जितलय जि, फुगु याय मजिउला का । दक्तर साप गुलि धेबा तुइ जि यायत तयार दु जिमि कला यात लंका ब्यु ।जिउ जिं फुगु याय ,आ लायबय वना वा।”
ल्याब या रिपोर्त पिया च्वंम्ह कान्छा मिखाय ग्वग्वधा।कलाया ख्वा स्वय थाकुया वगु दु,खसुंभुंगु थे खिमुसे च्वं ।
पिइ हे मफुत ,मस्त तधिक जुइधुंकल अयन इमि कमाइ मदु ,ज्या मदु ,लजगा मदु ।म्ह्याय ब्वना च्वम्ह तिनी,।छन्हु धाधाँ निन्हु धाधाँ बाछी दत रिपोर्त वल ,कान्छा अस्पतालय वना दक्तर नाप वन ।regular check up.follow up य वन ।
दक्तर या क्वथाय वना निम्हेसिया खँल्हा बल्हा जुइ।
दक्तरं न्यनी ” छें बूँ गुलि दु,?धेवा कमय याय फुपिं ग्वम्ह दु,? ” ” छें छखा दु पुलाँगु बुँ छपी ती ,छाय थें दक्तर साप?वयागु न्ह्योस न दक्तर यात ज्यामछी थे ताल।थ्व किद्नी धैगुया वास याय थिके ,लाय छक वाय पति दाइलोसिस याय मा नयगु वास न थिके उकिं।” छु यायगु दक्तर साप छि हें धै दिसँ ,कि जि आ जिमि कला यात म्वा म्वाकं सिइत त्वते माल ,धेवा फुइ जग्गा फुइ धका वास मयायगुला हाँ धै दिसँ।
इमि ताहाक खँ जुल ।निर्मला पिने पिया च्वंगु ।
कान्छां खँल्हाना वय क्वछित मजिउला ?उलि धया क्वथां पिहा वल ।निर्मला यात ज्वना छें वल ।
बहनी काय म्ह्याय पिं नाप दक्तरं कंगु खँ कनि,
“स्व मस्त छिमी माँ यात किद्नी दोनर माले माल, कि मखुसा छिमिसं बिइमाल छु धया ,निग: दु झीके छगलं न म्वाय फै हँ उकि ,छिमी माँ न ताल कि वं मजिउ धाइ ,का धा छु यायगु?” काय म्ह जि बिइ बा ,माँ न जन्म बियाँ तगु थ्व शरीर माँ यात ज्या वल कि ला जिगु भाग्य मानी जुल।” ख बा जिमिगु जीवन न सार्थक जुइ ।जिं छग दाइ न छग बिल्की ला माँ या निग: लं ज्या वल गय ख बा मजिउला ,?
बाँलागु बिचा, छिमिसं थुली धागु हे जिमिगु कर्तब्य पूरा जुथें जुल ।तर मस्त छिमिगु भबिस्य स्यनी ,उलिमछी जीवन हने मानी छिमि,उकिं मस्त छिमिसं बिइम्वा ,जिपिं उलिमछी स्वार्थी जुइ मखु,छिमि त स्याना जिमित म्वाय मय:/ दोनर त माले दसा जिहे जिल,
कन्हेकुन्हु कान्छ किद्नी सेन्तर ,अस्पताल ,थाय थासय ब्वाँय जुल, गन न छुं उपाय मन्त ,छवा पुरा दय धुन्कल ।दकतरं धा कथं याक्न हिले दसां जिउ लिबाइ धया हगु ।
कान्छा दक्तर नाप ला वन। दोनर दत अप्रेसन यायगु ई क्वछ्युसां जिल धाइ ।इमि खँ ल्हाना च्वंगु सुना न तागुमखु ।छें लयता माँ यात किद्नी बिइम्ह दत ,धका ।
अप्रेसन न जुल ,कान्छा या अत्तोपत्तो मदु ।धेवा का वने धका वंम्ह ,फोन याना हल छन्हु निन्हु लिपा वय धया हल ।माम्हँ अस्पतालं छें हल ,न्हापासिबे यक्व हे बाँला ,निर्मला ,कान्छा लयता ,
निर्मलां किद्नी ब्युम्ह जि म्हसिउ ,धाबलय कान्छा काचा काचां ख्वाहे मस्वसे ,”सु “धका न्यनी ,म्वाल आ धाय मखु ,जि वयात बाँलाक हे खँ म्हन सिउ ।।
मस्त न न्ह्योने दु बा व मनु सु उलि उद्दार म्ह ,वला भगबान हे जुल ,जिमि माँ यात जीवन ब्युम्ह ,वँ यागु ग्वाहाली गुब्लें ल्वमंके फै मखु,।
ख ख दाइ वया छें हया झीसं हने मा ।वयागु जीवन न ला सुथांलाके मा झीसं
कान्छा न्वं मवा मस्तय गु खँ न्यना इमिके ,मानबिय संबेदनसिल्ता खना मस्त जिं गौरब याना छिपिं ज्यापिं मात दया ,जिओइं धन्य छिमित संस्कार स्यने फत।थ्व हे ख जीवन या उपहार ।
बाबू छिमी बा थें ज्याम्ह भात दया जिं सुखय च्वने फत ,जिला चिकं मदुगु इता थें कूं जक ल्व दनिम्हेसित चिकं तया न्हुगु जीवन बिल ,थुलिं अप्व छम्ह कलायात छु माल ,मिखाँ ख्वबी हायका ,बाबू नानू ,जित किद्नी ब्युम्ह मेम्ह मखु छिमी बा ख ।मेपिं सु मखु ।का स्व ।लं उला क्यनी निर्मला ह्वाँय ह्वाँय ख्वै ।कान्छ दिकि ,छिमिगु जीवन छिमिगु भबिस्यया नीति वं जित तकं मकं मधा,।थ् ज्याम्ह भात ,बा गन दै मखु ।,मस्त न ख्वै ।घयपुया ख् यया च्वन ख्व स: क्वलात । ,क्वथाय पुन्हिसिया तिमिलाया ज: दुहाँ वल ।