महका “ह” हरिवंश आचार्यलाई कोरोना संक्रमण

काठमाडौं / लोकप्रिय हास्य कलाकार मह जोडीका ह अर्थात् हरिवंश आचार्यलाई कोरोना संक्रमण भएको छ । उनले कोरोना आफूसहित आफ्नी श्रीमती मीरा आचार्यलाई कोरोना संक्रमणको पुष्टि भएको जानकारी आफ्नो फेसबुकमार्फत् गराएका हुन् ।
सामान्य लक्षण देखिएकाले हिजो सोमबार पिसीआर परीक्षण गराउँदा मगंलबार पोजेटिभ रिपोर्ट आएको भन्दै उनले आफ्नो फेसबुक पेजमा लेखेका छन् :
” सामान्य लक्षण देखिएकोले हिंजो मेरो र मेरो श्रीमती रमिलाको PCR Test गरेका थियौं | हामी दुवै जनाको कोरोना संक्रमण पुष्टि भएको रिपोर्ट आज आयो | हाम्रो स्वास्थ्य अवस्था सामान्य छ | हामीसंग सम्पर्कमा रहनुभएका सम्पूर्ण महानुभावहरुले होम आइसोलेसनमा बसेर निर्धारित समयमा परीक्षण गराउनुहोला |
यहाँहरुको माया, आशिर्बाद र शुभेच्छाको कारण हामीले छिट्टै कोरोना संक्रमणलाई जित्ने छौं | कोरोना संक्रमण ब्यापक रुपमा फैलिएको हुँदा यहाँहरु सबैले जनस्वास्थ्यका मापदण्ड अनिबार्य रुपमा अबलम्बन गर्नुहुन अनुरोध गर्दछौं |”
आचार्य दम्पतिको स्वास्थ्य अवस्था सामान्य रहेको छ ।