सर्लाहीको बरहथवाका ९६ जनाको टेस्टमा ४० पोजिटिभ

काठमाडौं  /सर्लाहीको बरहथवाका ९६ जनाको टेस्टमा ४० पोजिटिभ देखिएका छन् ।
बरहथवा नगरपालिकाले साउन २५ र २६ गते ३०८ जनाको थ्रोट स्वाब सङ्कलन गरी परीक्षणका लागि राष्ट्रिय जनस्वास्थ्य प्रयोगशाला, टेकु पठाएको थियो । त्यसमध्ये आइतबार साँझसम्म ९६ जनाको रिपोर्ट आउँदा ४० जनामा कोरोना सङ्क्रमण पाइएको हो । सबै ३०८ जनाको रिपोर्ट आइसक्दा सम्म ठूलो सङ्ख्यामा सङ्क्रमित थपिने देखिएको छ ।
यसभन्दा अगाडि ती संकलन गरिएका ३०८ जनाको स्वाब परिक्षण गर्न बिरगंज पठाइएको थियोे । त्यहाँ २ सयजनाभन्दा बढीमा संक्रमण देखिएपछी सो ल्याबलाई अविश्वास गरिएको र सबै स्वाबको संकलन काठमाडौं पठाई टेस्ट गरिंदै छ । यसको आधारमा पनि संक्रमित बढ्ने निश्चित नै छ । अहिले जिल्लामा निषेधाज्ञा जारी गरिएको छ ।