धरान , इटहरीमा पनि पुन: लकडाउन

धरान/ धरानमा भोलीदेखि एक सातालाई लकडाउन गर्ने निर्णय भएको छ ।धरानमा कोरोना संक्रमितको संख्या बढ्दै गएपछि समुदायमा फैलन नदिन लकडाउन गरिन लागिएको हो ।
आज बसेको कार्यपालिका बैठकले आज मध्यराती १२ बजेदेखि लकडाउन शुरु गर्ने निर्णय गरेको हो । लकडाउन साउन २८ गतेसम्म लागु हुने निर्णय भएको जानकारी दिइएको छ । लकडाउन समयमा औषधी पसलबाहेक सबै पसल, व्यवसाय तथा सवारीसाधनहरु बन्द गर्ने निर्णय भएको पनि बताइएको छ । एम्बुलेन्स, शववहान बाहेक अन्य सवारीसाधनहरुमा पनि पूर्ण रोक लगाइनेछ ।
यसैगरी इटहरी उपमहानगरपालिकाले ५ दिन लकडाउन गर्ने निर्णय गरेको थियो । त्यहाँ सम्पन्न भएको नगरस्तरीय सिसिएमसीको बैठकले इटहरी बजार क्षेत्रमा ५ दिन कडा लकडाउन गर्ने निर्णय भएको मेयर द्वारिकलाल चौधरीले जानकारी दिएका छन् । मेयर चौधरीका अनुसार औद्योगिक क्षेत्रमा भने लकडाउन हुने छैन । तर, स्वास्थ्यका न्यूनतम मापदण्ड भने अनिवार्य पुरा गर्नुपर्नेछ ।