न्हापाया छेँया फाइदा

दीपक तुलाधर 
१) न्हापा छेँ ४-५तँ जा: जुइ । स्वा:नेय् थाँ-क्वाँ जुइगु नं आवश्यक exercise ख: धका: WHO नं धया च्व:गु द ।
२) छेँ तजा: मजुइबले मेपिन्त निभा: मकिइ, थ:त नं स्वाने गये अ:पु ।
३) थ:त माक्व जक कोथा दैगु जूगुलिं बालं तया: बालं च्वंपिनिगु घुर्कि व झंझत फया च्वनेम्वा: ।
४) बालं आम्दानि मदैगु जूगुलिं थीथी ब्यापार ब्यबसाय याये सया च्वन ।
५) हरेक छेँया न्हय:ने अथवा लिउने छमा सिमा दया च्वनिइ गुगु, झीगु स्वास्थ्ययात निं ।
६) छेँया लिउने न्ह्य:ने खाली छकू छकू थाय् दैगुलिं फय् व निभा: वया च्वनिइ । थौँकन्हे धिप्पासिप्पा जुइक दयेकीगुलिं खिउँसे गुम्से जू ।
७) छेँया क्वय् फ:चा दया च्वनिगुलिं फेतुना: गफ्-सप् याना: न्ह्यैपुके ज्यू ।
८) चिकुलां लुमु, ताल्लां सिचु ।
९) अंग: तग्व: जुइगुलिं Soundproof जू ।
१०) पल्लिइ चा व आँयपा दैगुलिं ताँ नं मन्व:, वा वइबले स: नं मव:, अले भुतुलिइ च्वंगु अप्व:गु नसा भौचित नकेत भौवा: चा नँ दै ।
११) चा व अप्पां दयेकीगु जूगुलिं छेँ पुलां जुया पिया: न्हूगु दयेके मालकि वहे चा – अप्पा – धलिं re-use यायेज्यूगुलिं वातावरणयात उलि असर मला: ।