लुम्बिनीको सीमा क्षेत्रको क्वारेन्टाईनहरु भरिए , चोरबाटोबाट लुकिछिपी नेपाल आउने क्रम जारी , नाकाबन्दीका कारण लुम्बिनी सूनसान

बिन्दु कुमार चौहान
लुम्बिनी , बिश्वब्यापी महामारी कोरोना भाईरस (कोभिड १९) नियन्त्रण तथा रोकथामका लागि सरकार द्वारा लकडाउनका बावजूद पनि रुपन्देहीको कालीदह ,थुम्हवा पिपरहवा लगायत चोरबाटोबाट लुकिछिपी नेपालीहरु निरन्तर आउने क्रम जारी रहेकोले सीमा क्षेत्रको क्वारेनटाईनमा घुर्इंंचो लागेको छ ।
छिमेकी राष्ट्र भारतको दिल्ली ,मुम्बई ,पंजाब लगायतको शहरबाट प्रत्येक दिन नेपालीहरु खुल्ला सीमाको चोरबाटाहरु मार्फत प्रहरीको आँखा छलेर स्वदेश फर्किन थालेपछि सीमावर्ती क्षेत्रको क्वारेन्टाईनहरु खचाखच भरिएका हुन् ।
लुम्बिनी साँस्कृतिक नगरपालिकाभरि क्वारेनटाईनमा पाँच सय महिलापुरुषले भरिएपछि पनि भारतबाट नेपालीहरु आउने क्रम जारी रहंदा थप एक हजार जना अटने क्वारेनटाईन स्थापना गर्ने माथिल्लो निकायबाट आदेश आएको लुम्बिनी साँस्कृतिक नगरपालिका मेयर मनमोहन चाौधरीले जानकारी गराए ।
उनले लुम्बिनी साास्कृतिक नगरपालिकामा ११ जना पुरुषहरु कोरोना संक्रमित हुनुका साथै पाँचसय जना मानिसहरुको ब्यवस्थापन तथा न्यून स्वास्थ्यकर्मी परिचालनका कारण हम्मे हाम्मे परेको बताउदै सहयोगका लागि सरोकारवाला निकायसँग आग्रह समेत गरे ।
यस्तगरीै सम्मरीमाई गाँउपालिका अन्र्तगत सात ठाँउमा बनाइएको तीन सय ५० शैया क्षमता भएको क्वारेन्टानमा दुई सय ६४ जना पुगिसकेको छ । दैनिक १० /१५ जना आउने क्रम जारी रहेको सम्मरीमाई गाँउपालिका स्वास्थ्य संयोजक मुन्सीराम माझीले बताए ।