भिंतुना प्रसिद्धि श्रेष्ठ ,कोरोनायात त्याकेत ता:लात !

भिंतुना , कोरोनायात त्याकेत ता:लात प्रसिद्धि  श्रेष्ठ ! 
यें/नेपा:या निम्हम्ह कोरोना संक्रमित पुष्टि जूम्ह येंया प्रसिद्धि श्रेष्ठं कोरोनायात त्याकेत ता:ला:गु लसताया बुखँ व:गु दु ।
वयक:या शुक्रबार शनिबार प्यक्व तक या:गु कोरोना परिक्षण नेगेटिभ रिपोर्ट वसेंली वयक:यात डिस्चार्ज यानागु खँ टेकु अस्पतालया प्रवक्ता डा. अनुप बास्तोलां जानकारी ब्युगु दु ।
वंगु माघ ८ गते फ्रान्सं कतार दोहा जुया: नेपा: लिहां व:म्ह वयक: थ भियतनामी पासायात संक्रमण जूगु सिया थ:हे अस्पताल वना: जाँछ याक: वंबलय् कोरोना भाइरस पोजिटिभ खनेदुगु ख: ।
२७न्हुया अस्पतालया उपचार लिपा ल्वय् लंका: डिस्चार्ज जुयादीम्ह प्रसिद्धयात स्वांया झ्वा: बिया: अस्पतालं बिदाइ यागु ख: ।