४८ घन्टाभित्र कोरोना भाइरस मार्न सक्ने औषधि पत्ता लागेको दाबी!

अस्ट्रेलियाका बैज्ञानिकहरुले एन्टी-प्यारासाइटिक औषधिले ४८ घन्टाभित्र कोरोना भाइरस मार्न सक्ने दाबी गरेका छ्न् ।
संसारका औषधि बिज्ञान जगतका सबैजसो हस्तीहरु अहिले कोरोना भाइरसको औषधि बनाउन अध्ययन अनुसन्धानमा प्रतिस्पर्धा गरिरहेका बेला अष्ट्रेलियाका बैज्ञानिकहरुले एन्टी प्यारासाइट औषधि ” आइभरमेक्टिन”ले यसप्रकारको मानव शरीरमा हुने खतरनाक भाइरसलाई ४८ घण्टाभित्र मार्न सक्ने बताएका छन् ।
तर अझैपनि मानिसमा यसको परिक्षण भने गर्न बाकी रहेकोले अहिले नै यसको प्रयोग नगर्न पनि उनीहरूले भनेका छन्।
युरेक एलर्ट ले जनाए अनुसार मोनाश विश्व विद्यालयको बायोमेडिसिन डिस्कभरी ईन्स्टिच्युट( BDI ) र पिटर डोहर्टी ईन्स्टिच्युट अफ इन्फेक्सन एन्ड इम्युनिटीले अस्ट्रेलियाको मेलबर्नमा संयुक्त रुपमा गरिएको अध्ययनपछि यो नतिजामा पुगेको बताइएको छ ।
एक डोज औषधिले कोरोना भाइरस रोकेको कुरा बैज्ञानिकहरुले बाहिर ल्याएका छन् । उक्त औषधिको डोजले कोरोना भाइरसको सेल कल्चर ४८ घन्टाभित्र बढ्न रोकेको उनीहरूले बताएका छ ।
आइभर्मेक्टिन संसारभर सरल रुपमा उपलब्ध रहेको औसधि समेत रहेको र यसले कोभिड-१९ भाइरसमा प्रयोग गर्दा निकै प्रभावकारी रहेको अनुसन्धानपछि एन्टिभाइरल रिसर्च जर्नलमा प्रकाशित सामाग्रीमा उल्लेख गरिएको छ ।
(युरेक एलर्टमा प्रकाशित मूल लेखको आधारमा)