कोरोनापाखें थः नं बचे जुइ, मेपिंत नं बचे याये !

कोरोना (कोभिड–१९) या सम्भावित महामारीयात पनेत व निगरानी यायेत येँ महानगरपालिकां नेपाल रिसर्च एडुकेशन नेटवर्क, जनस्वास्थ्य सरोकार ट्रष्ट, इनोभेटिभ सोलुसन, नेपाल डिजास्टार–इमर्जेन्सी मेडिसिन सेन्टर लगायतया संघसंस्थात नाप जाना: दयेकूगु थ्व प्रणाली आः अःपुक हे मोबाइलया ‘प्ले स्टोर’ पाखें डाउनलोड याये फइगु जूगु दु । थ्व एप डाउनलोड यानाः महानगरदुने च्वंपिं न्ह्याम्हेस्यां नं थःपिं सावधान जुइमाःगु खः लाकि मखु ? छेँय् हे सुरक्षित जुयाः च्वंसां गाः वा अस्पताल वनेमाः ? विशेषज्ञया सेवा आवश्यक जुइ लाकि जुइ मखु ? थेंज्याःगु स्वास्थ्य सम्बन्धी अवस्था (ज्ञां) सीके फइ ।
‘नेपाल कोविड–१९ निगरानी प्रणाली’ पाखें मू रूपं प्यता ज्या याइ –
(१) लक्षणत स्वयाः कोरोना संक्रमणया स्वमूल्यांकन यायेत ग्वाहालि बिइ, (२) स्वमूल्यांकन मार्फत सम्भावित लक्षण खनेदुपिं मनूतय्त तुरुन्त चिकित्सकतय्सं फोनं स्वापू तयाः माःगु परामर्श बिइ, (ग) स्वमूल्यांकन व फोन परामर्श लिपा ल्वय्या सम्भावना खने दुपिं मनूतय्त एम्वुलेन्सया व्यवस्था यानाः खै व स्वाब परीक्षणया लागि तोके यानातःगु अस्पतालय् यंकाबी (घ) भौगोलिक सूचना प्रणाली (न्क्ष्क्) या माध्यमं सम्बन्धित निकाययात संक्रमण नियन्त्रणया लागि थप उपायत नाला कायेगु लागिं ग्वाहालि याई ।
आःयात थ्व प्रणाली येँ महानगरपालिकाय् जक पूर्ण रूपं लागू जूगु दु । तर, महानगरपालिकां पिने च्वंपिंसं नं थःपिनि स्वास्थ्य अवस्थाबारे जानकारी कायेत थ्व एपयात छ्यले धास्सा फइ । न्ह्याम्हेस्यां नं अःपुक डाउनलोड याये फइगु थ्व एप डाउनलोड यानाः थुगु प्रणालीपाखें लाभ कयादिसँ । फक्क्वसित थ्व प्रबिधिबारे कना दिसँ । डाउनलोड याका दिसँ । कोरोनापाखें थः नं बचे जुइ, मेपिंत नं बचे याये !
थःगु मोबाइल फोनय् ‘नेपाल कोविड–१९ निगरानी प्रणाली’ डाउनलोड याये ! छ्यले।
https://play.google.com/store/apps/details?id=com.iclick.covidnew&fbclid=IwAR13cm1DUHvbTTb2uroeGyDOhQSEgE-TYvWXlMJ7rPrpSUSUrgLz-H71Dn0