“छि स्याना: हत्या !”

महर्जन रत्न (लूनिभा:)
न्हकु तिनाच्वंम्ह
गिरिजाप्रसाद मार्साब
मान्चोसा थ्वंया बात्चा ल्ह्वनेथें
छिस्याना: हत्या !
सिलुस्वां थ्वये थें
थ्व खैथल व गमला
बुद्ध नुग:
न्याल्ल ब्यांका
हाकु स्वाहाने गइपिं
न्ह्याब्लँय् न्ह्य:ने
मेपिनि बाखाछें
छिस्याना हत्या !
सिलु म्ये हालिपिं मतिनाय्
न्ह्याब्लँय् चिपनिपया खँ
यें सहर येमि गामा:
व खैथल थ्व गमला
ल्वहँमाय् गुलि नित्तुनीगु
गुब्लँय् चुमबूगु मतिना
गामय्
न्हूम्ह मास्टर पियाच्वंम्ह
गामानीया मतिना
बीनिभा:
छिस्याना हत्या !
गिरिजाप्रसाद मार्साब
न्हकु तिनाच्वंम्ह
ल्यायम्ह!
यें सहरय् च्वंपिं
येंमि गामातय् नाप
अझं असहमत थें
छिस्याना: हत्या !
(महाकवि गिरिजाप्रति देछा )