ढुक्क हुनुस् ६ महिनासम्म औषधि अभाव हुदैन:औषधि उत्पादक संघ

काठमाडौं /नेपालमा औषधि अभाव तत्काल नहुने भन्दै औषधि उत्पादक संघले जानकारी गराएको छ ।
कोरोना भाइरसका कारण भारतले २६ प्रकारका औषधि निर्यात गर्न प्रतिबन्ध लगाएपछि नेपाली औषधि बजारमा औषधि अभाव हुने सम्भावनालाई ध्यानमा राखेर सर्वसाधारण त्रसित बनेको अवस्थामा संघले यस्तो जानकारी गराएको हो । उसले आवश्यक कच्चा पदार्थ अझै ६ महिनासम्मको लागि पुग्ने दाबी गर्दै सरकारले नेपाली औसधि उत्पादनलाई टेवा दिए भविष्यमा पनि यस्तो संकट आइपर्दा आफै आत्मनिर्भर भइ औसधि उत्पादन गरि बजारमा सुलभ गराउन सकिने बताएको छ ।संघले भनेको छ “ढुक्क हुनुस् ६ महिनासम्म औषधि अभाव हुदैन”
संघका निवर्तमान अध्यक्ष दिपक प्रसाद दाहालले भने “जनवरीमा मात्र ३८ मिट्रीक टन प्यारासिटामोलको कच्चा पदार्थ भित्रिइसकेको छ । हामीसँग तीन महिनाको निम्ति पुग्ने औषधि निर्माण गर्ने क्षमता छ ।त्यसैगरी नेपाल औषधि व्यवसायी संघसँग पनि तीन महिनाको लागि पुग्ने औषधि भएको जानकारी दिएको छ । त्यसैले छ महिनासम्म पुग्बे औषधि हामीसँग छ ।”
संघका महासचिव विप्लव अधिकारीले नेपाल ७५ प्रतिशत औसधिमा आत्मनिर्भर छ सरकारले औसधि उत्पादनलाई प्रोत्साहन दिए आउँदो दुई वर्षभित्र नेपाल औसधिमा आत्मनिर्भर बन्ने उनले दाबी समेत गरे
हेर्नुस् भिडियो

भिडियो स्रोत : NT