काठमाडौंमा हिति र्‍याली हुँदै

काठमाडौं / आज शनिबार काठमाडौंमा सम्पदा अभियन्ताहरुको एक समूहले खानेपानीको परम्परागत स्रोतको रुपमा रहेको ढुंगेधाराको संरक्षणका निम्ति हिति र्‍याली निकाल्दै छ ।
काठमाडौंको केन्द्र येंगालको यंगा: हितिबाट बिहान ९ बजे उक्त र्‍याली सुरु हुनेछ भने काठमाडौं ललितपुर भक्तपुर लगायतका स्थानहरुको हितिहरुमा मोटरसाइकल र्‍यालीले परिक्रमा गर्ने कार्यक्रम रहेको बताइएको छ ।काठमाडौंमा उपत्यकामा खानेपानीको श्रोतको रुपमा रहेका प्राचिन ढुंगेधाराहरु हिजोआज मासिदै गएको र खानेपानीको हाहाकार भोग्नु परेको छ । परम्परागत र बैज्ञानिक रुपमा प्रतिस्थापान गरिएका ढुंगेधाराहरुको खोजीनिती गर्दै गरेका अभियन्ताहरुले यसरी  दिनभर काठमाडौं उपत्यकामा रहेका प्राचिन ढुंगेधाराहरुको दर्शन, अध्यययन र अवलोकन गर्न मोटरसाइकल र्‍यालीले गर्न लागेको हो।
जनसमुदायलाई सक्रिय रुपमा सहभागीको लागि आह्वान गरिएको छ ।  “हाम्रो मौलिक पहिचान जोगाउन साथ दिऔँ”र्‍यालीको नारा रहेको छ ।