बालुवाटार जग्गा प्रकरणका फरार अभियुक्त ढकालको घरमा बम विस्फोट !

काठमाडौं /बालुवाटार जग्गा प्रकरणका अभियुक्त शोभाकान्त ढकालको घरमा बम विस्फोट भएको छ ।
बुधबार माघ १ गतेका दिन येराहिटी नर्सरी चोक स्थित निवासको गेटमा ठूलो विस्फोट भएको र यस विस्फोटले पार्किङमा राखिएको गाडीमा समेत क्षति पुगेको बताइएको छ ।
ढकाल बालुवाटार जग्गा प्रकरणका अभियुक्त हुन् भने उनी फरार रहेको बताइएको छ ।
बम बिस्फोट कसले गराइएको हो भन्ने बारे अझैसम्म केही बताइएको छैन । बम विस्फोट हुँदा फरार भनिएका ढकाल समेत घरमै रहेको पनि सुत्रले बताएको छ ।