नेवा:खल: कास्कीमा पुन: अशोक पालिखे

पोखरा / नेवा: खल: कास्कीको पुस १२ गते शनिबार सम्पन्न अधिवेशनबाट अशोक पालिखेलाई पुन: अध्यक्षमा चुनेको छ ।
काठमाडौं उपत्यका बाहिर पोखरा केन्द्रीत भएर कास्की जिल्लामा नेपाल भाषा , नेवा: संस्कार संस्कृति प्रचार- प्रसार तथा संरक्षण संवर्द्धनमा अग्रणी भूमिका निर्वाह गर्दै आएको नेवा: खल: कास्की नेपालकै एक सबल र सक्रिय संस्था हो ।
दुई कार्यकालमा सफल नेतृत्व दिनुभएका अशोक पालिखे नेवा: छें निर्माण , नेवा: संग्रहालय स्थापनामा समेत निकै सक्रिय हुनुहुन्थ्यो । पोखरा नगर विकास समितिको अध्यक्ष , पोखरा उद्योग बाणिज्य संंघ , निजि अस्पतालहरुको संंगठन लगायत संस्थाहरुमा समेत नेतृत्व दिइसक्नु भएका उहाँ कुशल नेतृत्वकर्ता समेेेेेेेत हुनुहुन्छ । उहांँको योगदानको कदर गर्दै सदस्यहरुले यस अधिवेशनबाट पनि उहाँलाई नै अध्यक्ष चुन्नुभएको थियो ।

पुनः अध्यक्षमा निर्वाचित अशोक पालिखे

नयाँ कार्यसमितिमा अष्टमान प्रधानांग , विश्व बिजुक्छे, नारायण श्रेष्ठ र कल्पना श्रेष्ठ रहनुभएको छ । संस्थागत तर्फबाट कृष्णबहादुर श्रेष्ठ ,हर्कमान शाही,बखतमान जोशी सदस्य चुनिएका छ्न् ।
सोही दिन भएको अधिवेशनबाट खल:को महिला बिभाग मिसा: पुच: कास्की अध्यक्षमा मेनुका श्रेष्ठ निर्वाचित हुनुभएका छन् ।उपाध्यक्षमा संगीता बज्राचार्य ,द्वितीय उपाध्यक्षमा शक्ति प्रधानांग ,महासचिव किरण बिजुक्छे र कोषाध्यक्षमा सोनी धेवाजु निर्वाचित भएका छ्न् ।
सदस्यहरुमा अन्जु बाटाजु, रजनी श्रेष्ठ , मनलक्ष्मी , मीना श्रेष्ठ , देविना, अम्बिका राजभण्डारी रहनु भएको छ ।
त्यसैगरी युवा बिभाग ल्यायम्ह पुच:को अधिवेशनले उक्त बिभागको अध्यक्षमा मधुसूदन जोशीका साथै नयाँ कार्यसमितिको चयन गरेको छ ।