“सरकारले दुईबुंदे सहमति तोडेका कारण  संघीय समाजबादी सरकारबाट हटेको”

काठमाडौं /संघीय समाजबादी पार्टीका अध्यक्ष तथा उप -प्रधान एवं कानून , न्याय तथा संसदीय मामिला  मन्त्री उपेन्द्र यादवले आफ्नो दल सरकारबाट हट्नुको कारण सरकारले आफ्नो दलसँग गरेको दुईबुंदे सहमति तोडेका कारण नैतिकताका आधारमा पनि सरकारमा बसिरहन नमिल्ने भएकोले राजीनामा गरेको कुरा उल्लेख गर्नु भएको छ ।
आफूहरुले संविधान संशोधन लगायत आन्दोलनका क्रममा उठाएका माग र मुद्दाहरु सम्बोधन गर्ने शर्त सहित दुइबुंदे सहमतिको आधारमा मात्र सरकारमा सहभागी भएको भन्दै यस सन्दर्भमा मन्त्रीपरिषद बैठक तथा संसदमा पटक पटक यी विषयहरु प्रवेश गराउनुका साथै संविधान संशोधन लगायतका विषयहरु राखी प्रधानमन्त्री समक्ष स्मरण -पत्र पनि दिएको तथा यसै क्रममा २०७६ पुष ७ गते मन्त्रीपरिषदको बैठकमा संविधान संशोधनका लागि आवश्यक गृहकार्य गर्न संविधान विज्ञहरु सम्मिलित विज्ञ सुझाव समिति गठन गर्ने प्रस्ताव उप प्रधान एवं कानून मन्त्रीको हैसियतमा आफूले प्रस्तुत गरेको प्रस्तावलाई अस्वीकार गरी दुइबुदें सहमतिबाट सरकार पछि हटेको तथा सहमति एकतर्फी रुपमा तोडेको प्रष्टा भएकोले नैतिकताको आधारमा सरकारमा बसिरहन औचित्य नभएको हुँदा आजकै मितिबाट लागू हुनेगरी उप्- प्रधान एवं कानून , न्याय तथा संसदीय मामिला मन्त्री पदबाट राजिनामा दिएको ब्यहोरा जानकारी गराएका छन् ।
प्रधानमन्त्रीलाई बुझाएको राजिनामा पत्रमा यी कुराहरु उल्लेख गरिएको पनि बताइएको छ ।