गाडीको ठक्करले विद्यार्थीको मृत्यु भएपछि चावहिलमा बस जलाइयो !

काठमाडौं /सुकेधारामा बसको ठक्करले एक व्यक्तिको मृत्युभएपछि पशुपति क्याम्पस चावहिल क्षेत्र तनावग्रस्त बनेको छ ।
सोमबार ,चाबहिल मित्रपार्कमा भक्तपुर बस समितिको एक बस जलाइ दिएपछि उक्त क्षेत्र , चाबहिल – गौशाला सडक केही समय अवरुद्ध भएको छ ।  सुकेधारामा तीब्र गतिमा आएको  बसले पशुपति क्याम्पसमा BBs 4rt year मा अध्ययनरत विद्यार्थी  सृष्टि पन्त सख्त घाइते हुनेगरी ठक्कर दिएको र पछि उनको निधन भएको थियो । लापरबाहीपूर्ण तरीकाले बस चलाइ दुर्घटना गराएको  बिरोध र आवेशमा विद्यार्थीहरुले भक्तपुर बस समितिको एक बस तोडफोड र अर्कोमा आगो लगाइ दिएको कुरा प्रत्यक्षदर्शीले बताएको छ   । तनाव बढेपछि स्थिति सामान्य पार्न  घटनाले उग्र रुप लिन नदिन पशुपति क्याम्पस वरिपरि  प्रहरी बल तैनाथ गरिएको छ ।

फोटो :जलद वैद्य