आज १३ औं सागको समापन हुंदै नेपाल र भुटानवीच फूटबलको फाइनल खेल हुने

काठमाडौं/आज १३ औं सागको समापन हुंदैछ । समापन कार्यक्रमको अगाडि दशरथ रंगशालामा नेपाल र भुटानवीच फूटबलको फाइनल खेल हुनेछ ।
आजको आकर्षणको रुपमा रहेको यस फूटबल फाइनल खेलको नतिजा नेपालको पक्षमा आउने दर्‍हो संभावना रहेको छ । यसभन्दा अगाडि नेपालले लीग खेलामा भुटानलाई ४-० गूलाले पराजीत गरिसकेको अवस्थामा नेपाली टोलीको मनोबल उच्च छ उता भुटान पनि कम चुनौती दिने पक्षमा छैन । उसले पनि स्वर्णको दाबीलाई वास्तविकतामा परिवर्तन गर्न प्रयास गर्ने छ । बंगलादेशलाई पराजीत गर्दै फाइनलामा प्रवेश गरेको दिन नेपाली टीमका प्रशिक्षक बालगोपाल महर्जनले आफ्नो टोली ले अपराजित यात्रा कायम गर्दै स्वर्ण जित्नेछ भनी दाबी गरेको कुरा स्मरणीय हुन आउँछ ।