पोखरा/ नेवाः खलः कास्कीया १२क्वःगु अधिवेशनं अशोक पालिखे हानं अध्यक्षय् सर्वसम्मत ल्यःगु दु । शनिबाः जूगु अधिवेशनं पालिखेया नायःसुइ स्वदँ(२०८३–२०८६)या का नितिं न्हूगु कार्यसमिति सर्वसम्मत रूपं चयन जूगु खः ।
पोखराया नेवाः समुदायया भाषा, संस्कृति, परम्परा, सम्पदा व पहिचानया संरक्षण संवद्र्धनया ज्याय् सक्रिय भूमिका निर्वाह यानाझाःम्ह पालिखेयात हाकनं नेतृत्वया जिम्मेवारी लाःवःगु खः । ज्यायानाः क्यनीम्ह नायः कथं म्हसीका बीत ताःलाःम्ह पालिखेयात ‘Man of Action’ धकाः नं धायेगु याः ।
न्हूगु ज्यासना पुचलय् वरिष्ठ उपाध्यक्ष प्रकाशलाल श्रेष्ठ, उपाध्यक्ष सुबिन्द्र श्रेष्ठ, महासचिव भैरबलाल श्रेष्ठ, उपमहासचिव शम्भुलाल श्रेष्ठ र कोषाध्यक्ष चन्द्रबहादुर राजभण्डारी चयन जुयादीगु दु ।
अथेहे दुजलय् विक्रम उदास, बिमल श्रेष्ठ, ईश्वर कर्माचार्य, सुरेन्द्रप्रसाद श्रेष्ठ, कल्पना श्रेष्ठ, शान्तकुमार श्रेष्ठ, सबिन्द्र श्रेष्ठ, ऋषभ तिमिला, नन्दलाल श्रेष्ठ, सुनिल भारी,सुरेश बजिमय र मानकाजी माकाजुयात ल्यःगु दु ।
नवनिर्वाचित नायः अशोक पालिखेलिसें सकल कार्यसमितियात सफल कार्यकालया नितिं भिंतुना देछाःगु दु ।
न्हूगु ज्यासना पुचलं नेवाः समुदायया एकता, संस्थागत सुदृढीकरण तथा नेवाः भाषा, कला, संस्कृतिलिसें ऐतिहासिक सम्पदाया संरक्षण एवं संवद्र्धनया ज्याय् थप प्रभावकारी भूमिका निर्वाह याय धैगु आशा कयातःगु दु ।
सर्वसम्मत नायः जुयादीम्ह अशोक पालिखेलिसें सकल नवनिर्वाचित पदाधिकारी र दुजःपिन्त दुनुगलंनिसें भिंतुना,सफल कार्यकालया सुथां लायेमा धैगु कामना ।




सुभाय् मिडिया प्रा.लि.
ताम्सिपाखा , देयको , पुष्पलाल पथ काठमाडौं -१८
ईमेल: [email protected]
कार्यालय फोन- ०१-२१५६४४
स्थायी लेखा नम्बर- ६१२२८०१००
सूचना विभाग दर्ता नम्बर: ४५८/०७४-७५