• सुभाय् पोस्ट बिशेष
  • समाचार
  • विचार
  • नेवाःख्यः
  • सम्पदा/संस्कृति
  • साहित्य
  • कला/मनोरंजन
  • बजार
  • खेलकुद
  • व्यक्तित्व
  • प्रविधि
  • मनका कुरा
आज:  | Sat, 21, Nov, 2026
  • सुभाय् पोस्ट बिशेष
    • Live Program
    • भिडियो
  • समाचार
    • उपत्यका
    • राष्ट्रिय
    • अन्तर्राष्ट्रिय
  • विचार
  • नेवाःख्यः
  • सम्पदा/संस्कृति
  • साहित्य
  • कला/मनोरंजन
  • खेलकुद
  • व्यक्तित्व
  • प्रविधि
  • मनका कुरा
  • भिडियो
होमपेज /  सुभाय् पोस्ट बिशेष

राधाकृष्ण श्रेष्ठ: सम्पदा, संस्कृतिको सक्रिय अभियन्ता तथा जनतामाझ रहने युवा नेतृत्व


सुभाय् संवाददाता November 21, 2026 मा प्रकाशित (१३ मिनेट अघि) अनुमानित पढ्ने समय : ८ मिनेट

–रन्जना श्रेष्ठ

“द योगिनी” वृत्तचित्र निर्माणको क्रममा जात्राको भिडियो खिच्न हामी वज्रयोगिनी पुगेका थियौं । एक निर्माण सहयोगीका रुपमा म का गर्दै थिएँ । त्यो दिन जात्राको पहिलो दिन, पवित्र ऐतिहासिक बज्रयोगिनी डाँडाबाट स्वयम्भू चैत्य (चिबाद्यः्र), ह्याउँख्वाः माजु (बज्रयोगिनी माता), सिंहिनी र व्याघ्रिणीका रथहरू परम्पराअनुसार तल ऐतिहासिक साँखु नगरतर्फ ओरालिँदै थिए । नायखि,ं धिमे, लगायत बाजा र अन्य परम्परागत बाजागाजाको गुञ्जनले सम्पूर्ण बज्रयोगिनी डाँडा जात्रामय बनेको थियो । हजारौँ श्रद्धालु, भक्तजन र दर्शकहरूको उत्साहले शताब्दीयौँदेखि निरन्तर चल्दै आएको यस ऐतिहासिक जात्राको गरिमा अझ बढेको देखिएको थियो ।

यही उल्लासमय वातावरणका बीच मेरो ध्यान बारम्बार एउटै व्यक्तितर्फ तानियो । उहाँ दर्शकको भीडमा उभिएर जात्रा मात्र हेरिरहनुभएको थिएन । कहिले रथ बोकेर ल्याउने युवाहरुसँग समन्वय गर्दै, कहिले सुरक्षाकर्र्मीलाई आवश्यक निर्देशन दिँदै, कहिले स्वयंसेवकसँग व्यवस्थापनबारे छलफल गर्दै, त कहिले श्रद्धालु भक्तजनलाई सहज रूपमा दर्शन गर्न सहयोग गर्दै उहाँ निरन्तर सक्रिय हुनुहुन्थ्यो । भीडको व्यवस्थापनदेखि परम्पराको मर्यादा जोगाउने कामसम्म उहाँको सक्रिय उपस्थिति देखिन्थ्यो । त्यो व्यक्तित्व हुनुहुन्थ्यो—शंखरापुर नगरपालिकाका प्रवक्ता तथा वडा नं. ६ का वडा अध्यक्ष राधाकृष्ण श्रेष्ठ ।

त्यही दिन मैले उहाँलाई नजिकबाट नियाल्ने अवसर पाएँ । त्यसपछि विभिन्न अवसरमा वडा कार्यालय, निर्माणस्थल,धार्मिक कार्यक्रम र सामाजिक अभियानहरूमा उहाँसँग भेट हुँदै गयो। प्रत्येक भेटले एउटै अनुभूति गरायो—उहाँका लागि जनप्रतिनिधित्व पदको प्रतिष्ठाभन्दा जिम्मेवारीको विषयलाई बढी जोड व्यक्ति हुनुहुन्थ्यो ।

शंखरापुर साँखु नेपालको प्राचीन ऐतिहासिक नगरहरूमध्ये एक हो । यहाँ भेटिएका छैथौं शताब्दीका लिच्छविकालीन शिलालेखले यस नगरको प्राचीनता प्रमाणित गर्दछ । युगौँदेखिे संरक्षित रहेको सांस्कृतिक नगरका यी सम्पदा, संस्कृति र परम्परालाई जीवन्त राख्ने अभियानमा राधाकृष्ण श्रेष्ठ निरन्तर सक्रिय रहेको देखिन्छ ।

उहाँलाई सबै जात्रा–पर्वमा भेट्न सकिन्छ । बज्रयोगिनी जात्रा, माधवनारायण व्रत, गुँला धर्म, इन्द्रजात्रा, भिमसेन जात्रा लगायतका धार्मिक तथा सांस्कृतिक पर्वहरूमा उहाँ केवल अतिथिका रूपमा मात्र उपस्थित हुनुहुन्न व्यवस्थापन, समन्वय र संरक्षणमा प्रत्यक्ष सहभागी हुने गनुहुन्छ । यही कारण स्थानीयवासी उहाँलाई कार्यालयको कुर्र्सीमा भन्दा बढी समुदायका बीचमा देख्न अभ्यस्त छन् ।

वि.सं. २०७२ को महाभूकम्पले शदियौंदेखि निरन्तर विकसित हुँदै आएको शंखरापुरको ऐतिहासिक बस्ती, मठमन्दिर, बहाल, पाटी, सत्तल र सम्पदामा गम्भीर क्षति पु¥यायो । त्यस कठिन समयमा वडा अध्यक्षका रूपमा उहाँले पुनर्निर्माणलाई आफ्नो प्राथमिक दायित्व बनाउनुभयो । आज यी सम्पदाहरुको जिणोद्धार पुनः निर्माण कार्य सकिसकेको छ । यसका निम्ति उहाँले गरेको नेतृत्व निकै सफल रहेको स्थानिय जनताको धारणा छ ।
अहिले पनि कुनै बिकाश निर्माण कार्य वा जीर्णोद्धारको काम भइरहेकै स्थानमा उहाँ पुगेर स्थलगत निरीक्षण गर्ने, प्राविधिकसँग छलफल गर्ने र आवश्यक निर्देशन दिने कार्य निरन्तर देख्न सकिन्छ । विकासको गति र गुणस्तर दुवैमा उहाँले विशेष ध्यान दिनुभएको स्थानीयहरू बताउँछन् ।

उहाँको नेतृत्वमा सम्पन्न प्रथम शंखरापुर महोत्सव २०८१ पुस १५–१९ साँखुको सांस्कृतिक इतिहासमा एउटा नयाँ अध्याय बन्यो । सम्पदा बस्तीभित्र आयोजना गरिएको उक्त महोत्सवले भाषा, साहित्य, कला, संस्कृति, पर्यटन र स्थानीय अर्थतन्त्रलाई एउटै मञ्चमा जोड्न सफल भए । यसले शंखरापुरलाई केवल ऐतिहासिक,सांस्कृतिक,धार्मिक नगरी मात्र होइन पर्यटन र आर्थिक सम्भावनाले भरिपूर्ण नगरका रूपमा राष्ट्रिय स्तरमा परिचित गरायो ।

राधाकृष्ण श्रेष्ठको व्यक्तित्वको अर्को सुन्दर पक्ष भनेको दयामाया, करुणा, मैत्री र सहयोगी भावना पनि हो । उहाँ मानिसप्रति मात्र होइन, सबै जीवप्रति संवेदनशील रहनुपर्छ भन्ने नेपाली सांस्कृतिक मूल्यलाई व्यवहारमा उतार्ने प्रयास गर्नुहुन्छ ।

यसको एउटा उदाहरण उहाँले आफ्नो जन्मदिन मनाएको शैलीले देखाउँछ । धेरैले जन्मदिनलाई व्यक्तिगत उत्सवका रूपमा मनाउँछन् , तर उहाँले त्यसलाई सेवा, करुणा र सामाजिक उत्तरदायित्वको अवसर बनाउनुभयो । साउन कृष्ण द्वितीयाका दिन तिथी अनुसारको जन्मदिन । नेवार परम्परा अनुसार नेपाल संवतको पात्रो अनुसार साउन कृष्ण द्वितीयाका दिन कुलदेवताको पूजा, बज्रयोगिनी मातालगायत विभिन्न देवी–देवताका मन्दिरमा दर्शन गर्नुभयो । श्रीकृष्ण सुधामृत आश्रममा नवग्रह पूजा, १०८ पाठ, भजन तथा आरतीमा सहभागी बज्रयोगिनी भएपछि मन्दिर परिसरमा रहेका बाँदरहरूलाई अन्न खुवाउनु केवल एउटा परम्परा थिएनस त्यो सबै प्राणीप्रति दया, माया, करुणा र मैत्रीभाव व्यक्त गर्ने उहाँको जीवनदर्शनको एउटा सानो झल्को पनि थियो ।

त्यसपछि उहाँले शंखरापुर वडा नं.८ स्थित वनदेवी आधारभूत विद्यालयमा पुगेर विद्यार्र्थी, शिक्षक र विद्यालय व्यवस्थापन समितिसँग जन्मदिन मनाउनुभयो । आफ्नो पहलमा

R.O.K. Product Industriesको सहयोग तथा व्यक्तिगत सहयोगसमेत गरी छात्रावासका लागि आवश्यक २२ वटा म्याट्रेस उपलब्ध गराउनुभयो । साँझ द्वन्द्वपीडित तथा अपाङ्ग समाजमा रहेका बालबालिकासँग भोजन गरेर उहाँले जन्मदिनको खुसी समाजसँग बाँड्नुभयो । यस्ता कार्यहरुबाट उहाँका लागि उत्सव भनेको केवल व्यक्तिगत खुसी मात्र नभई अरूको अनुहारमा मुस्कान ल्याउने अवसर पनि हो भन्ने बुझ्न सकिन्छ । उहाँ यो पटकमात्र हैन हरेक जन्मदिन यसरी मनाउँदै आइरहनुभएको छ ।

एक सेवाग्राहीका रूपमा उहाँलाई वडा कार्यालयमा भेट्ने अवसर पनि मैले पाएको थिएँ । व्यस्त समयका बीच पनि उहाँले प्रत्येक व्यक्तिको कुरा ध्यानपूर्वक सुन्नुभयो, समस्या बुझ्नुभयो र समाधानका सम्भावित उपायबारे स्पष्ट रूपमा जानकारी दिनुभयो । मानिसलाई सम्मानपूर्वक व्यवहार गर्ने, संवादमार्फत विश्वास दिलाउने र सहकार्यको वातावरण बनाउने उहाँको क्षमता उल्लेखनीय लाग्यो ।

उहाँको राजनीतिक यात्रा एउटा दलसँग जोडिएको भए पनि सम्पदा संरक्षण, भाषा, संस्कृति, साहित्य, शिक्षा, विकास निर्माण र सामाजिक हितका सवालमा उहाँ दलगत सीमाभन्दा माथि उठेर सोच्नुपर्छ भन्ने धारणा राख्नुहुन्छ । उहाँ प्रायः भन्ने गर्नुहुन्छ—नगर बनाउन सबै मिल्नुपर्छ । सम्पदा कुनै दल विशेषको हुँदैन, संस्कृति कुनै पार्र्टीको हुँदैन, भाषा कुनै समूहको मात्र हुँदैन । यी सबै हाम्रो साझा सम्पत्ति हुन् । यही सोचका कारण फरक विचार राख्ने व्यक्ति र संस्थासँग पनि सहकार्य गर्न उहाँ सदैव तत्पर देखिनुहुन्छ ।

 

युवा पुस्तालाई अवसर दिनुपर्छ, आधुनिक प्रविधिलाई स्थानीय शासनसँग जोड्नुपर्छ र विकासमा सबैको सहभागिता सुनिश्चित गर्नुपर्छ भन्ने उहाँको विचार रहेको छ । उत्साह दिने, साथ दिने र अरूलाई अघि बढ्न प्रोत्साहन गर्ने उहाँको स्वभाव रहेको छ । यसले उहाँलाई स्थानीय समुदायमा एक फरक पहिचान समेत दिएको छ ।

आजको समयमा जनप्रतिनिधिको मूल्यांङ्कन भाषणले होइन, कामले हुन्छ । राधाकृष्ण श्रेष्ठलाई हेर्दा उहाँ कार्यालयको कुर्र्सीभन्दा बढी निर्माणस्थलमा, औपचारिक समारोहभन्दा बढी जात्रा–पर्वमा बढी देखिनुहुन्छ । उनी व्यक्तिगत प्रचार खासै रुचाउनु हुन्न । उहाँ बढी समुदायको साझा काममा सक्रिय देखिनुहुने व्यक्तिको रुपमा चिनिन्छन् । यही कारण उहाँलाई धेरै स्थानीयले केवल वडा अध्यक्षका रूपमा होइन, शंखरापुरको सम्पदा, संस्कृति र सामाजिक एकताको संरक्षणमा समर्पित युवा नेतृत्वका रूपमा सम्मानका साथ हेर्ने गरेको देखिन्छ ।

सम्बन्धित पोस्ट
  • जनबहालमा आयुताहुति महायज्ञ जारी : वज्रयान परम्पराअनुसार पूजा, पाठ र होम
  • शंखरापुर नगर पालिका वडा नं ६ का वडा अध्यक्ष राधाकृष्ण श्रेष्ठ,डाडाथोक खानेपानी उपभोक्ता समितिलाई १ रोपनी जग्गा दान
  • साइकल चढेर सुरू भएको नेपाल संवत् सांस्कृतिक आन्दोलन
  • उत्पादन घटे पनि लक्ष्मीपूजामा ५८७ मेगावाट बिजुली निर्यात
  • प्रतिक्रिया दिनुहोस

    • ताजा
    • समाचार
    • लोकप्रिय

    राधाकृष्ण श्रेष्ठ: सम्पदा, संस्कृतिको सक्रिय अभियन्ता तथा जनतामाझ रहने युवा नेतृत्व

    जीवित देवता श्रीगणेश र श्रीभैरवको निवासस्थान निर्माणका लागि शिलान्यास

    जनबहालमा आयुताहुति महायज्ञ जारी : वज्रयान परम्पराअनुसार पूजा, पाठ र होम

    शंखरापुर नगर पालिका वडा नं ६ का वडा अध्यक्ष राधाकृष्ण श्रेष्ठ,डाडाथोक खानेपानी उपभोक्ता समितिलाई १ रोपनी जग्गा दान

    साइकल चढेर सुरू भएको नेपाल संवत् सांस्कृतिक आन्दोलन

    उत्पादन घटे पनि लक्ष्मीपूजामा ५८७ मेगावाट बिजुली निर्यात

    सिड्नीमा अस्ट्रेलियाका प्रधानमन्त्री अल्बानिजको विशेष उपस्थितिमा भव्य रूपमा सम्पन्न नेपाल फेस्टिभल,

    नेपाल संवत् ११४७ को अवसरमा मोतीलक्ष्मी शाक्यको ‘शाक्य ल्हासा नेवाः’ पुस्तक सार्वजनिक

    जीवित देवता श्रीगणेश र श्रीभैरवको निवासस्थान निर्माणका लागि शिलान्यास

    शंखरापुर नगर पालिका वडा नं ६ का वडा अध्यक्ष राधाकृष्ण श्रेष्ठ,डाडाथोक खानेपानी उपभोक्ता समितिलाई १ रोपनी जग्गा दान

    नेपाल संवत् न्हूदँ राष्ट्रिय समारोह समिति ११४७को अध्यक्षमा दक्ष प्रशासक सुगतरत्न कंसाकार

    “नेवा: विश्वविद्यालय” स्थापनाको प्रक्रिया अघि बढ्यो

    भोटेकोसी–त्रिशूली बाढीपछि विदुरको पुनर्निर्माणमा नयाँ ढाँचा आवश्यक : मेयर श्रेष्ठ

    सुभाय् पोस्ट बिशेष

    राधाकृष्ण श्रेष्ठ: सम्पदा, संस्कृतिको सक्रिय अभियन्ता तथा जनतामाझ रहने युवा नेतृत्व

    जनबहालमा आयुताहुति महायज्ञ जारी : वज्रयान परम्पराअनुसार पूजा, पाठ र होम

    शंखरापुर नगर पालिका वडा नं ६ का वडा अध्यक्ष राधाकृष्ण श्रेष्ठ,डाडाथोक खानेपानी उपभोक्ता समितिलाई १ रोपनी जग्गा दान

    साइकल चढेर सुरू भएको नेपाल संवत् सांस्कृतिक आन्दोलन

    उत्पादन घटे पनि लक्ष्मीपूजामा ५८७ मेगावाट बिजुली निर्यात

    सुभाय् मिडिया प्रा.लि.

    ताम्सिपाखा , देयको , पुष्पलाल पथ काठमाडौं -१८

    ईमेल: [email protected]

    कार्यालय फोन- ०१-२१५६४४

    स्थायी लेखा नम्बर- ६१२२८०१००

    सूचना विभाग दर्ता नम्बर: ४५८/०७४-७५

    सुभाय् मिडियाको लागि

    संचालक तथा सम्पादक महर्जन रत्न

    सम्पादक विजयकृष्ण श्रेष्ठ
    राजेन्द्र महर्जन

    सह-सम्पादक/ व्यवस्थापक रन्जु श्रेष्ठ

    समाचार प्रमुख रवि महर्जन

    फोटो सम्पादक नातिकाजी महर्जन

    © 2026: Subhay Post मा सार्बधिक सुरक्षित छ | बिज्ञापन | सम्पर्क | हाम्रो बारेमा Designed by: GOJI Solution
    ↑