प्रा. प्रेमशान्ति तुलाधरया “नेपालभाषा साहित्यया इतिहास”पिदन

नेपालभाषा एकेडेमिया ग्वसालय् प्रा. प्रेमशान्ति तुलाधरं च्वयादीगु परिमार्जित “नेपालभाषा साहित्यया इतिहास” पितब्वज्या जुल ।
आइतबाः नेपाः बैंक्वेट खुसिबुँइ एकेडेमिया चान्सलर मल्ल के.सुन्दरया नायःसुइ उगु सफूया बिमोचन ज्याझ्वः जूगु खः। उगु ज्याझ्वः एकेडेमिया संरक्षक यज्ञरत्न धाख्वाः व आदिवासी जनजाति उत्थान राष्ट्रिय प्रतिष्ठानया सदस्य सचिव राम मादेनं मंकाकथं उलेज्या यानादीगु खः ।
प्रा.डा.राजनलाल जोशीं सफूया समीक्षा यानादीगु उगु ज्याझ्वलय् प्रा. नर्मदेश्वर प्रधान, नेपाल प्रज्ञा प्रतिष्ठानया प्राज्ञ दुजः प्रतिसरा सायमिं भिन्तुना न्वचु बियादीगु खः । ज्याझ्वलय् भाइस चान्सलर डा. पुष्पराज राजकर्णिकारं लसकुस, “नेपालभाषा साहित्यया इतिहास” सफूया दुविस्ता खँनापं सुभाय् देछानादीगु खः ।
दुजःछ्याञ्जे महेन्द्रगोपाल कर्माचार्यं ज्याझ्वः न्ह्याकादीगु खः ।