“गुथी अष्ट्रेलिया”को अध्यक्षमा कुन्दन ताम्राकार

डा.राजु मानन्धर ,अष्ट्रेलिया / सिड्नीमा भएको गुथि अष्ट्रेलियाको २०२५ को वार्षिक साधारण सभाले कुन्दन ताम्राकारलाई अध्यक्षमा चुनेको छ ।
शनिबार सिड्नीमा भएको सातौं साधारण सभाले  गुथि अष्ट्रेलियाको २०२५-२०२७ कार्यकालका लागि कुन्दन ताम्राकारको नेतृत्वमा नयाँ कार्यसमिति गठन गरेको हो। उक्त कार्यसमितिमा विश्वास श्रेष्ठ उपाध्यक्ष, निभाज मास्के महासचिव,  कार्यक्रम संयोजक: प्रवेश डंगोल ,सांस्कृतिक संयोजक: श्याम सैंजू, जेनिश मास्के : सदस्यता संयोजक, राजीव श्रेष्ठ आईटी संयोजकमा चयन भएका छन्।
अष्ट्रेलियामा रहेका पुराना सक्रिय नेपाली संस्थामध्ये एक रहेको गुथी अष्ट्रेलिया त्यहाँको सामुदायिक सेवामा कार्यरत  संस्था हो । नेपाल भाषा संस्कृति र नेवा: परम्परालाई अष्ट्रेलियामा निरन्तरता दिंदै आएको संस्थाको रुपमा परिचित यो संस्थाले नेपाल भाषा शिक्षा , नेवा: नृत्य लिपी लगायतको प्रशिक्षण गर्दै आएको छ । त्यसैगरी नेवा: समुदायको इहि , बार्‍हाय् सामुहिक ब्रतबन्ध जस्ता कार्यका साथै सांस्कृतिक र मनोरञ्जनात्मक कार्यक्रम गर्दै आएको छ यस संस्थाले । यस संस्थाले आयोजना गरेको कार्यक्रममा त्यहाँको सरकारको मन्त्री सांसद तथा अरु जनप्रतिनिधिहरुले पनि सहभागिता जनाउने गरेको छ । यो संस्था सिड्नीकै एक प्रतिष्ठित संस्था हो । प्रायजसो विभिन्न नेपाली समुदायको  कार्यक्रममा गुथी अष्ट्रेलिया आमन्त्रित हुने गर्दछ भने सबै क्षेत्रमा यसले सहभागिता जनाउँदै आएको छ ।

यो समय गुथी अष्ट्रेलियाकै एक अंगको रूपमा भाषा स्कुल नेपाल भाषा ब्वनेकुथी त्यहाँको सरकारमा दर्ता भई प्रचलनमा आइसकेको छ।यो गुथिको उल्लेखनीय कार्य हो ।
वार्षिक सभामा गुथि अष्ट्रेलियाका संस्थापक सदस्य पदम शाक्य, पूर्व अध्यक्षहरु महेन्द्र श्रेष्ठ र शिव श्रेष्ठले नयाँ कार्यसमितिलाई बधाई ज्ञापन गर्दै सफल कार्यकालको शुभकामना व्यक्त गरे। साथै, निवर्तमान अध्यक्ष उमेश नापित र उनको टोलीलाई गुथि अष्ट्रेलियाको समग्र प्रगति र सद्भावका लागि पुर्‍याएको अतुलनीय योगदानप्रति आभार व्यक्त गरे।

स्मरणीय छ सुभाय् मिडिया इन्फोटेन्मेन्ट्ले निर्माण गरेको महर्जन रत्नको २० मिनेट(short version) को “द योगिनी” डकुमेन्ट्री गुथी अष्ट्रेलियाका तत्कालीन सांस्कृतिक संयोजक श्याम सैंजुको संयोजकत्वमा पहिलो स्कृनिङ गरेको थियो ।
गुथी अष्ट्रेलियाले नेपाल भाषा , लिपि कक्षा तथा नेवा: नृत्यका कक्षा संचालन गर्दै आएको थियो ।
नयाँ नेतृत्वले गुथी अष्ट्रेलियाको गरिमा बढाउने कार्य गरि अझ सक्रिय रुपमा अगाडि बढ्न सकोस् भनी  सुभाय् मिडिया इन्फोटेन्मेन्ट हार्दिक शुभकामना व्यक्त गर्दछ।
नयाँ कार्यसमितिको पूर्ण विवरण 
अध्यक्ष: कुन्दन ताम्राकार
उपाध्यक्ष: विश्वास श्रेष्ठ
कोषाध्यक्ष: अक्साई देशार
महासचिव: निभज मास्के
सचिव: आशिष मान
कार्यक्रम संयोजक: प्रवेश डंगोल
संस्कृतिक संयोजक: श्याम सैंजू
आईटी संयोजक: राजीव श्रेष्ठ                                            सदस्य संयोजक :जेनिश मास्के
कार्यसमिति सदस्यहरू:
सुबिन श्रेष्ठ | आरती शाक्य | सिजन ताम्राकार | रोशनी रञ्जितकार | बिकाश तामोट | रिकिता महर्जन | उज्वल प्रजापति | रोहिना महर्जन | डिविना महर्जन | आशिष श्रेष्ठ

( सुभाय् पोस्ट अष्ट्रेलिया,सहयोगी/सल्लाहकार डा. राजु मानन्धर ,लुक्ला टिभी सिड्नीका प्रधान सम्पादक, गुथी अष्ट्रेलियाका सल्लाहकार पनि हुनुहुन्छ )