जर्मनीको ह्याम्बर्गमा नयाँ वर्ष, म्हपूजा र दिपावली शुभकामना कार्यक्रम हुने

ह्याम्बर्ग/ नेवा: खल: हेम्बर्गको आयोजनामा नेपाल संवत् ११४५ नव वर्ष तथा शुभ-दीपावली २०२४ को उपलक्ष्यमा शुभकामना आदानप्रदान कार्यक्रम गर्ने भएको छ । भोलि नोभेम्बर १६ ,शनिबारका दिन नेवार परम्परा अनुसार म्हपुजा पनि गर्ने कार्यक्रम रहेकोे  नेवा: खल: ह्याम्बर्गका संस्थापक संरक्षक  कुमार नापितले जानकारी दिएका छन् ।
बिदेशी भूमिमा बसेर पनि आफ्नो संस्कृतिलाई जीवित राख्ने लक्ष्यसहित यस किसिमको कार्यक्रम आयोजना गर्दै आएको पनि उनले बताए ।
खल:का अध्यक्ष मानव कुमार श्रेष्ठले नेपाल संवत ११४५ नयाँ वर्ष दिपावली २०८१को शुभकामना कार्यक्रम समय अनुकूल गरेर भोलि शनिबार आयोजना गर्न लागेको बताउँदै कार्यक्रममा सहभागी हुन आफ्नो मौलिक भेषभूषामा आउन पनि अनुरोध गरेको छ ।अध्यक्ष श्रेष्ठका अनुसार  कार्यक्रममा सहभागीहरुलाई नेवा: भोज पनि गरिने छ । अध्यक्ष श्रेष्ठले नेपाल संवत् नयाँ वर्ष तथा दिपावलीको उपलक्ष्यमा विश्वभर छरेर रहेका नेपालीहरुप्रति शुभकामना पनि व्यक्त गरेका छन् ।
यसैक्रममा विभिन्न सांस्कृतिक प्रस्तुतिहरु पनि गरिने छ ।
कार्यक्रममा सहभागी हुन युरोप र अमेरिकाबाट समेत अतिथिहरु जर्मनी आइपुग्ने आयोजकले जनाएको छ ।
नेवा: खल: हेम्बर्ग, जर्मनी परिवार