नेवा: खल: कास्कीको ३ लाख नगदसहितको “नेवा: रत्न सिरपा” स्थापना

असार १ गते,पोखरा/ नेवा:खल कास्कीले नेवा: रत्न सिरपा तथा कास्की नेवा: रत्न सिरपा स्थापना गरेको छ । हरेक दुई वर्षमा प्रदान गरिने नेवा: रत्न सिरपा तीन लाख नगदसहितको हुने तथा कास्की नेवा: रत्न एकलाख नगदसहितको हुनेछ ।
नेवा: खल: कास्कीका अध्यक्ष अशोक पालिखेले सुभाय् पोस्ट प्रतिनिधिसँग कुराकानी गर्दै नेवा: क्षेत्रमा यस किसिमको पुरस्कारको आवश्यक महसुस गरेर खल:का सदस्यहरुको सरसल्लाह गरि पुरस्कार घोषणा गरेको बताए । “राष्ट्रिय,अन्तर्राष्ट्रिय स्तरमा नेपाल भाषा,संस्कृति ,नेवार एकता र गौरव अभिबृद्धिमा योगदान पुर्‍याउने व्यक्ति वा संघसंस्थालाई सम्मानका निम्ति “नेवा:रत्न सिरपा” र स्थानीय स्तरमा योगदान पुर्याउने व्यक्ती र संस्थालाई सम्मान गर्न कास्की  नेवा: रत्न सिरपाको स्थापनाको घोषणा गरेका हौं ।”
यसैक्रममा पुरस्कार राशीका लागि सहयोग गर्नुहुने, संरक्षक सदस्य /संस्थापक सदस्यता ग्रहण गर्नु हुने महानुभावहरुलाइ सम्मान गरिएको थियो । यसकिसिमको सदस्यताबाट सतसठ्ठी लाख पचास हजार रुपैयाँ संकलन भएको छ । अर्को थप ८/१० लाख जम्मा हुने क्रममा रहेको जानकारी दिइएको छ ।
नेवा: रत्न सिरपा प्रत्येक दुई वर्षमा रु तीनलाख नगद र कास्की नेवा:रत्न सिरपा प्रत्येक वर्ष रु एकलाख नगद सहित प्रदान गरिने छ । नेवा: खल: कास्कीको यस किसिमको सिरपा पुरस्कार स्थापनालाई नेवार भाषा संस्कृतिको क्षेत्रमा निकै महत्वका साथ हेरिएको छ ।
सिरपा स्थापनाका संरक्षक सदस्यता / संस्थापक सदस्यता ग्रहण गर्नु हुने सबै धन्यवादका पात्र हुन् ।