महजात्रामा निस्केका मदनकृष्ण र हरिवंशको टोली अष्ट्रेलियाको पर्थमा

सन् २०१४ को अष्ट्रेलिया यात्रामा मह

अस्ट्रेलिया/कलाकार मदनकृष्ण श्रेष्ठ तथा हरिवंश आचार्यसहित कलाकारको टोली अस्ट्रेलिया तथा न्युजिल्याण्डमा आयोजना हुन लागेको महजात्रा कार्यक्रमका लागि पश्चिम अस्ट्रेलिया आइपुगेका छन् ।मदनकृष्ण र हरिवंशसँगै टोलीमा किरण केसी, नरेन्द्र कंसाकार, गायिका कुन्ती मोक्तान, शिला बहादुर मोक्तान भ्रमण टोलीमा छन् ।
मेलबर्नमा रहेको संस्था सोलाञ्चरको आयोजनामा हुने महजात्रा अस्ट्रेलियाको पर्थबाट सुरु हुँदैछ । पर्थका साथै सिड्नी, मेलबर्न, एडिलेड, क्यानबेरा तथा न्युजिल्याण्डको अकल्याण्ड र क्राइष्टचर्चमा आयोजना हुनेछ ।
महजोडी सहितका सबै कलाकार पश्चिम अस्ट्रेलियाको पर्थमा शनिबार साँझ आयोजना हुने कार्यक्रमका लागि शुक्रबार पर्थ पाइपुगेका हुन् । अनेसास पर्थले आयोजना गरेको उक्त कार्यक्रम ओक्टागन थिएटरमा हुनेछ । कार्यक्रममा नेपाली तथा अन्यु मुलका सहित ५ सय बढी दर्शकले सहभागिता जनाउने आयोजकले बताएको छ ।
सोलाञ्चरले जनाए अनुसार पर्थपछि महजात्रा २९ मे मा क्यानबेरामा आयोजना हुदैछ भने सिड्नी, एडिलेड र मेलबर्नमा क्रमस जुनको २, ७ र ८ तारिखमा हुनेछ । आयोजकका अनुसार अस्ट्रेलियाको सबै कार्यक्रम सकेर अकल्याण्डमा तथा क्राईष्टचर्चमा १५ र २२ जुनमा आयोजना हुने कार्यक्रमका लागि महजोडी सहितको टोली न्युजिल्याण्ड जानेछ ।
पर्थ आइपुगेका कलाकारको टोलीलाई त्यहाँका कलासंस्कृतिप्रेमीहरुले स्वागत गरेका छन्। ।