गुथि अष्ट्रेलियाद्वारा “द योगिनी” टीम सम्मानित

अष्ट्रेलिया,सिड्नी/ अष्ट्रेलियामा प्रोमो र ब्यानरको फर्ष्ट लूक बिमोचन गरिएको नेपालमण्डलको सम्पदा संस्कृतिमध्ये त्यहाँको बिहार परम्परा बहाबही परम्पराको सुरुवात भएको स्थान मानिएको गुंबहा:( गुंबिहार) बज्रयोगिनी लगायत योगिनीहरुको बारेमा बनाइएको डकुमेन्ट्रीका निर्माता/निर्देशक महर्जन रत्न र उनको टीमलाई सम्मान पत्र सहित सम्मानित गरिएको छ ।
हर्सभिल क्षेत्रमा रहेको लहना रेस्टुरेन्टमा गुथि अष्ट्रेलियाले एक प्रीति भोज आयोजना गरी यसरी “द योगिनी” टीमलाई सम्मान गरेको हो ।
कार्यक्रमममा अष्ट्रेलिया भ्रमणमा रहेका नेवार राष्ट्रिय संगठन नेवा: देय् दबूका अध्यक्ष पवित्र बज्राचार्यलाई पनि सम्मान गरिएको थियो ।
गुथि अष्ट्रेलियाका अध्यक्ष उमेश नापितको प्रमुखत्वमा भएको कार्यक्रममा गुथिका सल्लाहकार पद्म शाक्यले गुथिको स्थापनाको औचित्य बारे प्रकाश पार्दै अष्ट्रेलियामा रहेका नेवार समुदायको परम्परा रितिथिति , भाषा संस्कृति संरक्षण गर्ने कार्यमा निरन्तरता दिने र अन्य क्षेत्रमा पनि सक्दो  सहयोग पुर्‍याउने पुर्‍याउने उद्देश्य सहित सक्रिय   युवा समुहले अगाडि बढाइ रहेको र यस अनुरुप विभिन्न कार्यक्रमहरुको आयोजना गर्दै आएको बताए । जीवन्त संस्कृति नेवा: सम्पदा संस्कृतिको बारेमा बनाइएको डकुमेन्ट्री “द योगिनी”को यही उद्देश्य अनुरुप “द योगिनी”को र ब्यानरको फर्स्ट लूक बिमोचन गरिएको बताए ।
सल्लाहकार तथा पूर्व अध्यक्ष महेन्द्र श्रेष्ठले नेवार विज्ञहरु अष्ट्रेलिया भ्रमणमा आउँदा अन्तरक्रिया कार्यक्रम गर्ने र यस्तो अन्तक्रियाले उहाँहरुको योगदानको कदर गर्दै बिचार विमर्श गरी केही नयाँ कुरा सिक्न सक्ने तथा अष्ट्रेलियाबाट उहाँहरुलाई केही नयाँ कुरा पनि जानकारी गराउन सक्ने बताए ।  “द योगिनी” जस्ता डकुमेन्ट्री प्रदर्सनले अष्ट्रेलियामा रहेका नयाँ पुस्ताले नेपालको आफ्ना मौलिक सम्पदा संस्कृति बारे जानकारी पाउने बताए ।
उनले सोहि कार्यक्रममा आफ्नो तर्फबाट देय् दबूको भवन निर्माणको लागि एक लाख नेपाली रुपैयाँ सहयोग गर्ने प्रतिबद्धता व्यक्त पनि गरे । अब भाषा संस्कृति मात्र हैन आर्थिक रुपले कसरी समृद्ध हुन सकिन्छ यसबारे पनि सोच्नुपर्ने समय आएको बताए ।
गुथिले देय् दबूको भवन निर्माणका लागि  दुई लाख रुपैयाँ सहयोग गरिसकेको छ ।

गुथि ब्वनेकुथिका संयोजक श्याम सैंजुले भाषा संस्कृतिलाई अष्ट्रेलियामा निरन्तरता दिने कार्यमा गुथि लागिरहेको चर्चा गर्दै भाषा कक्षा , नृत्य कक्षा संचालन भइरहेको बताए । अष्ट्रेलियाको  व्यस्त जीवनका कारण अपेक्षा गरिए अनुसार सहभागिता कम भएपनि यसलाई वृद्धि गर्दै लैजाने योजना अनुरुप गुथि ब्वनेकुथि अगाडि बढिरहेको बताए । उनले सम्पदा संस्कृतिको प्रचार प्रसार गर्ने उद्देश्यले  मणिशैल महावदान अनुसार ३३ सय वर्ष पुरानो इतिहास बोकेको स्थल गुंबहाबारे  महर्जन रत्नद्वारा निर्देशित डकुमेन्ट्री “द योगिनी”को प्रोमो र ब्यानरको फर्स्ट लूक बिमोचन  गरिएको र पछि पनि गुथिले सहकार्य गर्दै जाने बताए ।
देय् दबूका अध्यक्ष पवित्र बज्राचार्यले  नेवा: हकहित भाषा संस्कृति संरक्षण  नेवा: देय् दबूका कार्य योजना र योगदान बारे चर्चा गर्दै आफू यो समय दबूको भवन निर्माण अभियानमा लागिरहेको र यसका निम्ति गुथिबाट प्राप्त सहयोगका लागि धन्यवाद ज्ञापन गरे ।
चलचित्र तथा टेलिभिजन कार्यक्रमका निर्माता निर्देशक समेत रहेका द योगिनी डकुमेन्ट्रीका निर्देशक महर्जन रत्नले नेपालमण्डलका सम्पदा संस्कृति बारे केही डकुमेन्ट्री गरिसकेको र यसै क्रममा “द योगिनी” डकुमेन्ट्री पनि निर्माण निर्देशन गर्ने कार्य गरेको बताउँदै गुथि अष्ट्रेलियाले यस डकुमेन्ट्रीलाई अष्ट्रेलियामा प्रदर्शन गर्न मार्ग प्रशस्त गरिदिएकोमा धन्यवाद ज्ञापन गरे । उनले योभन्दा अगाडि महेन्द्र श्रेष्ठ अध्यक्ष भएको बेला पनि गुथि अष्ट्रेलियासँग सहकार्य गरी काम गरेको स्मरण गरे ।
कार्यक्रममा गुथिका अध्यक्ष उमेश नापितले गुथिको कार्य योजना अनुसार धेरै कार्य गर्न बाकी रहेपनि सक्दो रूपमा गुथियारहरु सक्रिय भइ कार्य अगाडि बढाइ रहेको र आगामी नेपाल संवत ११४४ नयाँ बर्षको उपलक्ष्यमा विशेष नेवा: भोज सहितको कार्यक्रम रहेको जानकारी गराउँदै नेवा: देय् दबूका अध्यक्ष पवित्र बज्राचार्य र डकुमेन्ट्री निर्देशक महर्जन रत्नलाई सम्मान गर्न पाउँदा खुशी व्यक्त गरे । उनले नेपाल भाषा संस्कृति र डकुमेन्ट्री क्षेत्रमा महर्जन रत्न लगायत उअस क्षेत्रमा लागेका व्यक्तिहरुसँग पछि पनि सहकार्य गर्दै जाने बताए । आफ्ना अग्रजहरुले स्थापना गरेको गुथिलाई उहाँहरुको सपना अनुरुप लिएर अगाडि बढाउने कार्य आफ्नो कार्यकालमा पनि निरंतरता दिने कार्य भइरहेको उनले बताए ।