विश्व शान्तिका लागि साइकल यात्रा’: लुम्बिनीमा २५७०औं बुद्ध जयन्ती भव्य रूपमा मनाइने

काठमाडौं / विश्वभर बढ्दो द्वन्द्व र अशान्तिको बीचमा शान्तिको सन्देश फैलाउन ‘महासिद्ध पिस स्यान्क्चुरी’ (MPS) को आयोजनामा विशेष ‘साइकल यात्रा’ (Bicycle Rally for Peace) हुने भएको छ।

पूजनीय श्री श्याल्पा रिन्पोछेको अवधारणामा हुन लागेको यस कार्यक्रमले बुद्धको जन्मभूमि नेपालबाट विश्व शान्तिको पुकारलाई उजागर गर्ने लक्ष्य राखेको छ।

साइकल यात्रा र मुख्य कार्यक्रमहरू
उद्घाटन: २०८३ वैशाख १४ (April 28, 2026) मा काठमाडौंबाट सुरु हुनेछ।

सहभागिता: १०८ जना व्यावसायिक साइकल यात्रीहरू काठमाडौंबाट ४ दिनको यात्रा तय गर्दै लुम्बिनी पुग्नेछन्।

बुद्ध पूर्णिमा विशेष: आगामी २०८३ वैशाख १८ (May 1, 2026) का दिन लुम्बिनीको मायादेवी मन्दिर र बोधि वृक्ष मुनि हजारौं श्रद्धालुहरूको उपस्थितिमा विशेष ध्यान तथा प्रार्थना गरिनेछ।

प्रधानमन्त्री र पर्यटन मन्त्रीलाई निमन्त्रणा
बुद्ध जयन्तीको पावन अवसरमा प्रधानमन्त्री र पर्यटन मन्त्रीलाई समेत बोधि वृक्ष मुनि भिक्षु-भिक्षुणीहरूसँग ध्यान गर्न निमन्त्रणा गरिएको छ। यस ऐतिहासिक समारोहमा नेपाल पर्यटन बोर्डले पनि पूर्ण समर्थन जनाएको छ।

पुस्तक विमोचन र वातावरण संरक्षण
वैशाख १९ गते बिहान ८ बजे श्री श्याल्पा तेन्जिन रिन्पोछेद्वारा लिखित पुस्तक “Path to Perfect Freedom” र यसको नेपाली अनुवाद “पूर्ण मुक्तिको मार्ग” को विमोचन गरिनेछ। सो अवसरमा पुस्तक खरिदमा ५० प्रतिशत छुटको व्यवस्था समेत गरिएको छ।

यसपटकको कार्यक्रममा ‘Going Green’ नाराका साथ वातावरण संरक्षण र ‘कार्बन फुटप्रिन्ट’ घटाउने जनचेतना समेत जगाइने आयोजकले जनाएको छ।

“पृथ्वीमा शान्ति कायम रहोस्। आउनुहोस्, हामी शान्तिलाई आक्रमण र युद्धभन्दा अझ आकर्षक बनाऔं।” – पूजनीय श्री श्याल्पा रिन्पोछे